بافڵ تاڵەبانی لەگەڵ وەفدێكی باڵای سەربازی بەریتانیا كۆدەبێتەوە

.

بافڵ تاڵەبانی لەدەباشان چاویكەوت بە سێرجۆن لۆریمەر راوێژكاری باڵای سەربازی بەریتانیا لە رۆژهەڵاتی ناوەڕاست و باكوری ئەفریكا و وەفدێكی هاوڕێی 

لە دیدارێكدا جەیمس سۆرنتن كونسوڵی گشتی بەریتانیا لە هەرێم ئامادەیبوو بەوردی بارودۆخی سیاسی و سەربازی و ئەمنی هەرێم و عیراق و رۆژئاوای كوردستان  گفتوگۆی لەبارەوە  كراو هەڵسەنگاندن  بۆ پێشهات و ئەگەرەكان و لێكەوتەو دەرئەنجامە نەرێنییەكان  كرا.

بافڵ تاڵەبانی لەسەر كۆی هاوكێشەكان بەرچاوڕونی دایە وەفدی میوان و سیاسەتی نیشتمانیی یەكێتیی روونكردەوەو تەئكیدیكردەوە لەسەر چڕكردنەوەی هەوڵەكان بۆ بەرقەراركردنی ئاشتی لەناوچەكە. 

پرسی جموجۆڵی تیرۆرستانی داعش لە سوریاو چەند ناوچەیەكی عیراق و هەماهەنگی و هاوكاری زیاتری نێوان هێزەكانی پێشمەرگەو هاوپەیمانانی نێودەوڵەتی بۆ رووبەڕووبوونەوەی تیرۆر تەوەرێكی دیكەی گفتوگۆكانی نێوان هەردوولابوو.

PUKmedia