خوێندكارە سەركەوتووەكانی پەیمانگای هونەرەجوانەكان خەڵاتدەكرێن

.

لەچوارچێوەی بایەخ وگرنگی دانە بەردەوامەكانی مەڵبەندی ڕێكخستنی سلێمانی یەكێتی نیشتمانی كوردستان بۆ گەشەپێدان وپەرەپێدانی بواری خوێندن وپەروەردەو برەودان وبەگەڕخستنی تواناكانی گەنجان وهاندانیان بۆ خێرا گەیشتن بەئامانجەكانیان ، سەرلە  بەیانی ئەمڕۆ لەمەراسیمێكی تایبەتدا لەهۆڵی شەهید ئارام بەسەرپەرشتی هەڤاڵ حاكم قادرحەمەجان ئەندامی مەكتەبی سیاسی ولێپرسراوی مەڵبەندی ڕێكخستنی سلێمانی یەكێتی نیشتمانی كوردستان ، لەمەڕاسیمێكی تایبەت وئاهەنگ ئامێزدا كەبەوبۆنەیەوە ڕێكخرابوو دیاری بەسەر(12) خوێندكاری سەركەوتووی لەتاقیكردنەوە كۆتایی یەكانی بەشەجیاجیا كانی پەیمانگای هونەرەجوانەكانی سلێمانی دابەشكرا .

لەسەرەتای مەراسیمەكەدا حاكم قادر لەمیانی وتەیەكیدا بەو بۆنەیەوە پیرۆزبایی لەسەرجەم خوێندكارە سەركەوتووەكان كردو وتی: خوێنكاران ولاوانی ئەمڕۆ زاناو رۆشنفكرو پەروەردەكارو رابەرو سەركردەی دواڕۆژی گەلەكەمانن و بەوبۆنەیەوە داواتان لێدەكەم تا گەلەكەمان بەكاروانی زانست پێشكەوتنەكانی دنیا بگاتەوە  پەرە بە هەوڵ وكۆششەكانتان بدەن.

پاشان بەو بۆنەیەوە چەند چالاكیەكی هونەری موزیك وگۆرانی لەلایەن بەشی مۆسیقای پەیمانگاوە بەڕێوەچوو ، دواتر دیارییەكان بەسەر دەرچوان وسەركەوتووانی یەكەم ودووەم وسێیەمی پەیمانگای هونەرە جانەكان دابەشكرا.

PUKmedia    تایبەت