riklam

له‌ ئه‌مه‌زۆن بووك دوو كتێبی چێژی نووسین و گێڕانه‌وه‌ بڵاوده‌كرێته‌وه‌

کتێب 12:47 PM - 2019-10-15
.

.

كاتژمێر 4 ی پاشنیوه‌ڕۆی ڕۆژی پێنجشه‌ممه‌ 17-10-2019 له‌ كتێبخانه‌ی ئه‌مه‌زۆن بووك ستۆر له‌ سلێمانی مه‌راسیمی بڵاوكردنه‌وه‌ و واژۆكردنی هه‌ردوو كتێبی چێژی نووسین و چێژی گێڕانه‌وه‌ له‌ ئاماده‌كردنی نووسه‌ر و ڕۆژنامه‌نووس شاخه‌وان سه‌دیق به‌ڕێوه‌ده‌چێت.

پێشتر له‌مباره‌یه‌وه‌ شاخه‌وان سه‌دیق له‌لێدوانێكی تایبه‌تدا به‌ PUKmedia ی ڕاگه‌یاندبوو ئه‌و كتێبه‌ نوێیانه‌ درێژكراوه‌ی كتێبی یه‌كه‌من، كه‌ ماوه‌یه‌ك پێش ئێستا بڵاوكرایه‌وه‌، به‌ناونیشانی (چێژی خوێندنه‌وه‌) واته‌ له‌گه‌ڵ ئه‌م دوو كتێبه‌ی دیكه‌دا پڕۆژه‌ی كتێبی سیانه‌ن، كتێبه‌كان هه‌ر سێكیان كاری ڕۆژنامه‌وانی ئه‌ده‌بین  و به‌شێوه‌ی دیدار له‌گه‌ڵ نووسه‌رانی بواری ئه‌ده‌بدا سازدراون.

راشیگه‌یاندبوو  كتێبی یه‌كه‌میان چێژی خوێندنه‌وه‌ بریتی بوو له‌ ئه‌نجامدانی (13) دیداری ئه‌ده‌بی له‌گه‌ڵ (13) نووسه‌ردا، كه‌ تیایدا ده‌رباره‌ی پرسی (خوێندنه‌وه‌و چێژی خوێندنه‌وه‌ی كتێب) هه‌ریه‌كێك له‌و به‌شداربووانه‌ سه‌رنجه‌كانی خۆیان خستبووه‌ ڕوو، ئه‌م شێوازه‌ له‌ كتێبی دووه‌میشدا په‌یڕه‌وكراوه‌ به‌ناوی (چێژی نووسین) كه‌ به‌هه‌مان شێوه‌ له‌گه‌ڵ (20) نووسه‌ردا ده‌رباره‌ی پرسی (نووسین و تایبه‌تمه‌ندی و شێوازه‌كانی و چێژی نووسین) دووباره‌ قسه‌كراوه‌.

هه‌رچی كتێبی سێیه‌مه‌ جیاواز له‌ هه‌ردوو كتێبه‌كه‌ی كه‌، پێك هاتووه‌ له‌ (28) دیداری ئه‌ده‌بی تایبه‌ت له‌گه‌ڵ (28) نووسه‌روو شاعیرو چیرۆكنووس و ڕه‌خنه‌گری بوری ئه‌ده‌ب دا، كه‌ هه‌ریه‌كێك له‌وانه‌ ناوی ئاشكراو ناسراو دیارن له‌ناو دونیای ئه‌ده‌بی كوردیدا, ئه‌م دیدارانه‌ به‌ شێوه‌یه‌كی زانستی و ئه‌كادیمی واكراون كه‌ له‌ داهاتوودا ببنه‌ سه‌رچاوه‌ بۆ نووسین و لێكۆڵینه‌وه‌ی ئه‌ده‌بی له‌ سه‌ر ژیان و دونیابینی هه‌ریه‌كه‌ له‌و ئه‌دیبانه‌ی كه‌ دیداریان له‌گه‌ڵ كراوه‌.

كتێبی یه‌كه‌میان (چێژی خوێندنه‌وه‌) كه‌ 128 لاپه‌ڕیه‌، به‌ سپۆنسه‌ری ڕۆژنامه‌ی هاوڵاتی چاپكراوه‌.

هه‌ردوو كتێبی (چێژی نووسین) كه‌ 310 لاپه‌ڕه‌و (چێژی گێڕانه‌وه‌) كه‌ 312 لاپه‌ڕه‌یه‌ له‌ بڵاوكراوه‌كانی ده‌زگای نووسیارن. به‌ڵام كتێبی (چێژی نووسین) به‌سپۆنسه‌ری سندوقی هاوكاری كتێبی ڕۆژنامه‌ی كوردستانی نوێ و كۆمپانیای یوكه‌ی بۆ بازرگانی گشتی چاپكراوه‌. هه‌ر سێ كتێبه‌كه‌ له‌ چاپخانه‌ی (كارۆ)ی شاری سلێمانی چاپكراون.

PUKmedia باشیلا جه‌عفه‌ر

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket