بووژانەوەی هەستی نەتەوەیی
بیروڕا 01:12 PM - 2019-10-12.
ماوەی سێ رۆژە هێزەكانی سوریای دیموكرات لە رۆژئاوای كوردستان، گەورەترین و بێوێنە ترین نەبردیان بەرامبەر هێزی زەبەلاحی سوپای توركیا و ژمارەیەك میلیشیای توندرەو تۆماركردووە و جیهانیان لە خۆراگریی و خۆنەویستیی سەرسام كردووە ، سوپای توركیا كە لەدوای ئەمریكا لە ریزبەندی دووەمە لە نێو پەیمانی ناتۆ ، پێی وابوو بەچەند سەعاتێك ئەو بەرنامە داگیركارییەی دایان رشتبوو تەواو دەبێت و شەرڤانان لەو ناوچانە وەدەر دەنێن ، بەڵام قارەمانیی و خۆراگریی شەرڤانان، سەركردە سەربازییەكانی توركیای ناچاركرد داوای هێزی زیاتر بكەن ، هەڵكردنی گڵۆپی سەوزی ئەمجارەی پەرلەمانی توركیا بۆ سوپای وڵاتەكەی بۆ جوڵاندنی هێز بۆ دەرەوەی سنور و بەزاندنی خاكی سوریا، دەلالەتێكی تری هەیە و مەغزاكەشی لەلایەك بۆ لێدانی كوردی رۆژائاوایە لەرووی جیوسیاسیی و لەناوبردنی دەسەڵاتی خۆبەرێوەبەریی . لەلایەكی دیكەش ئەو ناوچەیەی كە بۆ پەلاماردان دیاریكراوە، ئەردۆگانیزمەكان پێیانوایە لە رووی جیوپۆلیتیكیەوە وەك جوگرافیا كاریگەریی لەسەر سیاسەتی توركیاو ئاسایشی نەتەوەیی ئەو وڵاتە دەبێ ، هەر وەك بەو داگیركارییەشیان كێشەی ئەو ژمارە زۆرە پەنابەرە سورییە لەكۆڵدەكەنەوە كە نزیكەی سێ ملیۆن كەس دەبن كە ئێَستا لەشارەكانی توركیادان ، بەناوی ناوچەی ئاراماوە لەناوخاكی سوریا وەك ئۆردوگایەكی زۆرە ملێ نیشتەجێیان بكەن،
ئەگەر سەرنج بدەین كاردانەوەی وڵاتانی ئەوروپا و ئەمریكا و وڵاتە هەرێمایەتییەكانی ناوچەكە ، نزیكە لەهەمان ئەو كاردانەوەی كە پێشتر لە رووداوەكانی كەركوك و عەفرین خستیانە ڕوو، ئەو پرسیارە جەوهەرییەی كە ئێمە وەك تاكی كورد هەمیشە دەیوروژێنین ئەوەیە ئایا ئەو وڵاتانەی كە كاردانەوەكەیان لە ئاستی خواستی كورد نییە ، دوژمنی كوردن ؟ بێ وەفان بەرامبەر هەموو ئەو قوربانییەی كە لەشەری داعشدا بەخشیان ؟ ساویلكەیی سیاسییە ئەگەر چاوەروانی زیاتریان لێبەكەین چونكە ئەوەی ئەمرۆ دەگوزەرێ شەری بەرژەوەندییەكانە كە وڵاتانی زلهێز سەرۆكایەتی دەكەن ، ئەو هێزە شەرانگێزەی توركیا كە پەلاماری برایانمان لە رۆژ ئاوا دەدات ، هەر یەك لە ئەمریكا و روسیا شەریانە لەسەر لەباوەشگرتنی توركیا ، ئەمریكا نایەوێت توركیا وەك ئەندامێكی پەیمانی ناتۆ لەدەستبدات و روو لە روسیا بكات ، ئەمریكا هەمیشە توركیا بە هاوپەیمانێكی پێویست دەزانێت بۆ سنورداركردن رێگرییكردن لە دەستەواژەی هیلالی شیعی لە ناوچەكە هەروەك لە رووی ئابوریشەوە بە دەیان ملیار دۆلار هاوبەشیان لەگەڵ توركیادا هەیە . كەواتە ئەو هەڵوێستەی ئێستای ئەمریكا بەو توركیایەی كە زۆر پێویستی پێیەتی و كوردیش پێی نارازییە ، سەركێشی كردنە بەبەرژەوەندییەكانی ئەمریكا لەگەڵ توركیا. بۆیە ئێمەی كورد بەرلەوەی چاوەرێی سۆزی ئە م وڵاَت و ئەو وڵات بین ، با جارێ لەنێو خۆماندا دڵسۆز بین و لە پرس و كێشەكاندا پشتگیری یەك بین و دەرس و وانە لە رووداوەكانی كەركوك و عەفرین و ئەوەی ئێستا لە رۆژئاوا دەگوزەرێت وەربگرین
، ئەوەشی شایانی ووتنە كە لە نێو خۆماندا بینیمان لەو كێشەیەی كە ئەمرۆ رووبەرووی بریانمان لە رۆژئاوا بۆتەوە زۆر دڵخۆشكەرەو كوردانی هەر چوارپارچەكە بەیەك ئاست غەمبارن و لای خۆشمان لە باشوور هەڵوێستی زۆر جوامێرانەمان لە هەموو حزب و لایەن و هاوڵاتیانی شارەكانی هەرێم بینی و بەیەك دڵ و دەنگ داوای پاراستنی برایانیان دەكەن لە رۆژئاوا ، ئەگەر هەم هاوخەمییە لە نێوخۆماندا بەردەوام بێ ، ئەوا ئایندەی گەش روو لە نەتەوەكەمان دەكات .
مەریوان عەلی محەمەد
PUKmedia تایبەت
هەواڵی زیاتر
-
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25 -
راپۆرتێكی دیكهی نێودهوڵهتی لهسهر خراپی ئازادی لهههرێم بڵاودهكرێتهوه
10:33 AM - 2024-04-25
ئەمانەش ببینە
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
زۆرترین خوێنراو
-
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25 -
شێخ جەعفەر شێخ مستەفا: کۆمەڵانی خەڵک چاوی ئومێدیان لە یەکێتییە
ی ن ک 01:29 PM - 2024-04-25 -
وەسفییە... ماندوویەکی رووخۆش
کوردستان 12:25 PM - 2024-04-25