ترامپ: سزا به‌سه‌ر توركیا ده‌سه‌پێنین

.

 سه‌رۆك كۆماری ئه‌مریكا له‌كۆنگره‌یه‌كی رۆژنامه‌وانیدا له‌سه‌ر هێرشه‌كانی توركیا بۆ سه‌ر رۆژهه‌ڵاتی فورات، خۆشداری سزای ئابوری ده‌دات و به‌بیرۆكه‌یه‌كی هه‌ڵه‌ی داده‌نێت.

دۆناڵد ترامپ سه‌رۆك كۆماری ئه‌مریكا، رایگه‌یاندوه‌:" بیرۆكه‌ی ئه‌ردۆگان بۆ هێرشكردنه‌ سه‌ر رۆژهه‌ڵاتی فورات " باكوری سوریا" بیرۆكه‌یه‌كی هه‌ڵه‌یه‌".

رونیشكردوه‌ته‌وه‌:" ئه‌گه‌ر ئه‌ردۆگان به‌رده‌وام بێت له‌ بیرۆكه‌كانی  به‌شێوه‌یه‌كی ژیرانه‌ مامه‌ڵه‌ نه‌كات و ناوچه‌كه‌ بخاته‌ مه‌ترسیه‌وه‌ ئابوریه‌كه‌ی ده‌ڕوخێنم".

رونیشكرده‌وه‌:" له‌گه‌ڵ كۆنگرێس كۆكم له‌سه‌ر ئه‌وه‌ی سزای قورس به‌سه‌ر توركیادا بسه‌پێنرێت، به‌ڵام  چاوه‌ڕوان ده‌بین و دواجار  له‌سه‌ر توركیا بڕیار ده‌ده‌ین". 

له‌باره‌ی زیندانیه‌كانی داعشه‌وه‌ ده‌ڵێت:" زۆرمان وت كه‌ وڵاتان بێن زیندانیه‌كان ببه‌نه‌وه‌، له‌گه‌ڵ كورده‌كان چاودێری زیندانیه‌كانی داعشمان كردوه‌".

PUKmedia  ئاژانسه‌كان