مه‌كته‌بی سیاسی یه‌كێتیی نیشتمانی كوردستان راگه‌یه‌ندراوێكی بڵاوكرده‌وه‌

مه‌كته‌بی سیاسی یه‌كێتیی نیشتمانی كوردستان راگه‌یه‌ندراوێكی بڵاوكرده‌وه‌


8/10/2019 20:02:00
چاپ کردن
بە وێنەوە    بە بێ وێنە
           
.

كۆبونه‌وه‌ی مه‌كته‌بی سیاسی یه‌كێتیی نیشتمانی كوردستان كۆتایی هات و راگه‌یه‌ندراوێك له‌سه‌ر ناوه‌ڕۆك و بڕیاره‌كانی بڵاوكرایه‌وه‌.

 

راگه‌یاندراوى ڕۆژنامه‌وانى

كۆبونه‌وه‌ى مه‌كته‌بى سیاسى یه‌كێتیى نیشتمانیى كوردستان

 

  ئێواره‌ى ئه‌مڕۆ (8/10/2019) به‌سه‌رپه‌رشتى هه‌ڤاڵ كۆسره‌ت ره‌سول عه‌لى جێگرى سكرتێرى گشتى، مه‌كته‌بى سیاسى یه‌كێتیى نیشتمانیى كوردستان له‌ شارى سلێمانى كۆبوه‌وه‌.

 له‌ كۆبونه‌وه‌كه‌دا، كه‌ د.به‌رهه‌م ئه‌حمه‌د ساڵح جێگرى دووه‌مى سكرتێرى گشتى به‌رێگاى (ڤیدیۆكۆنفرانس) به‌شداربوو، دوایین پێشهات‌و گۆڕانكارییه‌كانى په‌یوه‌ست به‌ دۆخى سیاسى كوردستان‌و عێراق‌و ناوچه‌كه‌ به‌ووردى تاوتوێ كران. 

  سه‌باره‌ت به‌ دۆخى عێراق‌و خۆپیشاندانه‌كان، مه‌كته‌بى سیاسى جه‌ختیكرده‌وه‌ خۆپیشاندانى هێمنانه‌، له‌پێناوى چاكسازى بنه‌ڕه‌تى‌و به‌گژاچونه‌وه‌ى گه‌نده‌ڵى‌و باشكردنى گوزه‌رانى خه‌ڵك‌و خزمه‌تگوزارییه‌ گشتیه‌كان، مافێكى ڕه‌وایه‌. هه‌روه‌ك هه‌موو جۆره‌ توندوتیژییه‌ك له‌هه‌ر لایه‌كه‌وه‌ به‌كاربهێنرێت كارێكى نادروست‌و ڕێگه‌پێنه‌دراوه‌و ده‌بێته‌ مایه‌ى شێواندنى ئارامى‌و ئاسایشى عێراق‌و به‌لارێدابردنى خۆپیشاندانه‌كان‌و وونكردنى ئامانجى ڕاسته‌قینه‌ى خۆپیشانده‌ران. 

  مه‌كته‌بى سیاسى سه‌ره‌خۆشى له‌ كه‌سوكارى ئه‌وانه‌ ده‌كات، كه‌ له‌ ریزه‌كانى خۆپیشانده‌ران ‌و هێزه‌كانى ناوخۆ گیانیان له‌ده‌ستدا و هیواى زووچاكبونه‌وه‌ش بۆ برینداره‌كان ده‌خوازێت، پێداگریش ده‌كات له‌سه‌ر ئه‌وه‌ى هه‌موو هێزه‌ نیشتمانیه‌كانى عێراق، هه‌وڵه‌كانیان بخه‌نه‌گه‌ر بۆ هێوركردنه‌وه‌ى دۆخه‌كه‌‌و چاره‌سه‌ركردنى كێشه‌كان به‌رێگاى گفتوگۆو شێوازى مه‌ده‌نى. 

    له‌باره‌ى په‌یوه‌ندییه‌كانى نێوان هه‌رێم‌و ناوه‌ند، مه‌كته‌بى سیاسى جه‌ختی له‌سه‌ر هه‌ڵوێستى جێگیرى یه‌كێتى كرده‌وه‌، كه‌ زه‌مینه‌ى له‌بار ڕه‌خساوه‌ تاوه‌كو له‌ رێگاى گفتوگۆیه‌كى جددى‌و به‌رپرسیارانه‌وه‌، به‌پێى ده‌ستور كێشه‌كان چاره‌سه‌ر بكرێن. 

   پێشهات‌و گۆڕانكارییه‌ خێراو كتوپره‌كانى رۆژئاواى كوردستان‌و باكوورى سوریا ته‌وه‌رێكى ترى كۆبونه‌وه‌كه‌ بوو. مه‌كته‌بى سیاسى جه‌ختی كرده‌وه‌، گه‌لى كوردستان له‌ ڕۆژئاوا شان به‌شانى لایه‌نه‌كانى ترى هێزه‌كانى سوریاى دیموكرات به‌هاوكارى هاوپه‌یمانان له‌ جه‌نگى تێكشكاندنى داعشدا و نه‌هێشتنى مه‌ترسی‌و هه‌ڕه‌شه‌ى گه‌وره‌ له‌سه‌ر ئارامى‌و ئاسایشى ناوچه‌كه‌‌و بگره‌ جیهانیش، قوربانیه‌كى زۆریان دا و ئازایه‌تى بێوێنه‌یان تۆماركرد. پێشهات‌و گۆڕانكارییه‌كانی دوو رۆژى ڕابردوو، ماییه‌ى نیگه‌رانى قووڵن،  بژارده‌ى عه‌سكه‌رى رێگاى دروست نیه‌ بۆ چاره‌سه‌ركردنى كێشه‌كان و دۆخه‌كه‌ ده‌گه‌ڕێنێته‌وه‌ بۆ چوارگۆشه‌ى یه‌كه‌م. به‌رده‌وام بوونى ته‌نگژه‌كه‌یش كاره‌ساتى مرۆیی گه‌وره‌ى لێده‌كه‌وێته‌وه‌و زه‌مینه‌یه‌ش ده‌سازێنێ بۆ سه‌رهه‌ڵدانه‌وه‌ى مه‌ترسیه‌كانى رێكخراوه‌ تیرۆریستیه‌كان له‌سه‌روویانه‌وه‌ داعش. 

  مه‌كته‌بى سیاسى رایگه‌یاند یه‌كێتیى نیشتمانیى كوردستان له‌ كه‌ناڵه‌ جیاجیاكانه‌وه‌ هه‌موو تواناكانى خۆى ده‌خاته‌گه‌ڕ بۆ رێگه‌گرتن له‌ گرژى زیاترو شه‌ڕ، كه‌ گه‌لى كوردستان له‌ ڕۆژئاوا و گه‌لانى ترى باكورى سوریا دووچارى خوێنڕشتن‌و كاره‌ساتى مرۆیى زیاتر ده‌كاته‌وه‌. هه‌روه‌ك داوایش له‌ كۆمه‌ڵگاى نێوده‌وڵه‌تى ده‌كات رێگا له‌ هه‌ڵكشانى گرژییه‌كان بگرێت‌و به‌رپرسیارێتى هه‌موولایه‌كه‌، كه‌ هاوكارى گه‌لى كوردستان له‌ رۆژئاوا بكات. 

   له‌به‌ر رۆشنایى گۆڕانكاریی‌و مه‌ترسییه‌كان، مه‌كته‌بى سیاسى جه‌ختى له‌ سیاسه‌تى له‌مێژینه‌‌و چه‌سپاوى یه‌كێتى بۆ یه‌كریزى گه‌لى كوردستان ‌و پته‌وكردنى په‌یوه‌ندى نێوان هێزه‌ سیاسیه‌ كوردستانیه‌كان له‌م بارودۆخه‌ ئاڵۆزه‌دا كرده‌وه‌، هه‌روه‌ك  هه‌ستیارى دۆخه‌كه‌ ئه‌وپه‌ڕى ته‌بایى و هه‌ماهه‌نگى و یه‌كهه‌ڵویسَتى هه‌موولایه‌ك ده‌خوازێ.   

  مه‌كته‌بى سیاسى رایده‌گه‌یه‌نێت، یه‌كێتیى نیشتمانیى كوردستان وه‌ك هێزێكى به‌رپرسیار به‌رامبه‌ر به‌ ڕاپه‌راندنى ئه‌ركه‌ نیشتمانیى‌و نه‌ته‌وه‌یی‌و دیموكراسیه‌كان‌و به‌رپرسیار به‌رامبه‌ر به‌ چاره‌نوسی گه‌لى كوردستان، به‌ووردى‌و ووریاییه‌وه‌ چاودێرى دۆخه‌كه‌‌و گۆڕانكارى ‌و پێشهاته‌ نوێیه‌كان ده‌كات، بێدرێغ هه‌وڵه‌كان درێژه‌ پێده‌دات، بۆ پاراستنى به‌رژه‌وه‌ندییه‌كانى گه‌لى كوردستان‌و ئاشتى‌و ئارامى‌و تێپه‌راندنى مه‌ترسیه‌كان. 

 

راگه‌یاندنى مه‌كته‌بى سیاسى

یه‌كێتیى نیشتمانیى كوردستان

8/10/2019

 

PUKmedia

وێنە هەواڵ
  • image04
  • شه‌هید فاتیح.. یه‌كه‌م شه‌هیدی شۆڕشی نوێ

  • image04
  • له‌ سلێمانیه‌وه‌ پشتگیری رۆژئاوا ده‌كرێت

  • image04
  • كورد له‌ رۆژئاوا ئاواره‌ ده‌بێته‌وه‌

  • image04
  • پەیكەر بۆ د.جەمال ئەحمەد ناسراو بە (باوكی منداڵان) دروستدەكرێت

  • image04
  • لەساڵیادی كۆچی دوایی مام جەلال دا، مەلا بەختیار سەردانی خاتوو هێرۆ ئیبراهیم ئەحمدی کرد

  • image04
  • دوونامه‌ی ده‌ستنوسی سه‌رۆك مام جه‌لال بۆ فه‌رمانده‌ی نه‌مر قادر خه‌بات

  • image04
  • د.عیزەدین مستەفا رەسوڵ كۆچی دوایی

  • image04
  • مام جەلال سیمبولی نەتەوەیی کورد


                                           

وێنه‌.. خۆپیشاندانی كوردانی ئوسترالیا بۆ پشتگیری له‌ رۆژئاوا


ئه‌مڕۆ 17-10-2019، كوردانی شاری سیدنی ئوسترالیا له‌ ناوچه‌ی ئیجكلیفی شاری سیدنی پایته‌ختی هه‌رێمی نیوساوێڵزی ئوسترالیا خۆپیشاندانێكیا...


  خۆپێشاندانەكانی ئوسترالیا بەردەوامە
  كوردانی فه‌ره‌نسا پشتیوانی له‌ ڕۆژئاوای كوردستان ده‌كه‌ن
                                           

عومەر شێخ موس: سەركردایەتیی كورد لەسیاسەت تێ نەگەیشتووە


عومەر شێخ موس، سیاسەتمەداری كورد، كە خەڵكی رۆژئاوای كوردستانە جەخت لەسەر ئەوە دەكاتەوە، ئەو پشتتێكردنەی ئەمەریكا لە رۆژئاوای كوردستان ئەگەر هەیە لە دژی هەرێمی كوردستانیش دووبارە ببێتەوە و دەشڵێت: ب...


  حاجی مەسیفی: بۆ دانانی پارێزگاری كەركوك چیتر سەبرمان نەماوە
  موكه‌ڕه‌م تاڵه‌بانی: به‌ بارزانیم وت ڕیفراندۆم سودی بۆ كوردستان نابێت
                                           

ئاڵتونی زۆر بەختی كچانی دهۆك دەسوتێنێت

گەنجانی دهۆك و دەوروبەری بۆ پڕۆسەی هاوسەرگیری روو لە نەینەوا و شارەكانی دیكە دەكەن و ناچنە ژێر باری داواكاریی زۆری ئاڵتوون و ناوماڵ، كە كچانی شارەكەی خۆیان دا...


  ئه‌و 7 ڕۆژه‌ی عیراقی هه‌ژاند !
  USCIRF باس له‌ رۆڵی حكومه‌تی هه‌رێم ده‌كات


کاریکاتێر