نوێنه‌ران داواكاری خۆپیشانده‌رانی په‌سه‌ند كرد

.

كۆبوونه‌وه‌ی ئه‌نجومه‌نی نوێنه‌رانی عیراق بۆ تاوتوێكردنی داواكاری خۆپیشانده‌ران به‌ ئاماده‌بوونی دوو وه‌زیری حكومه‌تی فیدراڵی ده‌ستیپێكرد.

دیلان غه‌فور ئه‌ندامی ئه‌نجومه‌نی نوێنه‌رانی عیراق له‌سه‌ر فراكسیۆنی یه‌كێتیی نیشتمانیی كوردستان ئه‌مڕۆ 8-10-2019، به‌ PUKmedia ی راگه‌یاند: ئه‌نجومه‌نی نوێنه‌ران به‌ ئاماده‌بوونی 212 ئه‌ندام و به‌سه‌رۆكایه‌تی محه‌مه‌د حه‌لبوسی سه‌رۆكی په‌رله‌مان و هه‌ردوو وه‌زیری بازرگانی و كارو ده‌سته‌به‌ری كۆمه‌ڵایه‌تی، كۆبوونه‌وه‌ی ئاسایی خۆی ئه‌نجامدا.

راشیگه‌یاند: كۆبوونه‌وه‌كه‌ تایبه‌ت بوو به‌ گفتوگۆكردن له‌سه‌ر داواكاری خۆپیشانده‌رانی شاره‌كانی عیراق، كه‌ له‌ 20 خاڵ پێكهاتووه‌، وتیشی: ئه‌نجومه‌نی نوێنه‌ران به‌كۆی ده‌نگ داواكارییه‌كانی خۆپیشانده‌رانی په‌سه‌ند كرد. 

PUKmedia تایبه‌ت