ئه‌و رۆژه‌ی هه‌موو ئه‌مه‌ریكا له‌سه‌ر كورد هاته‌ ده‌نگ

ئه‌و رۆژه‌ی هه‌موو ئه‌مه‌ریكا له‌سه‌ر كورد هاته‌ ده‌نگ


8/10/2019 14:13:00
چاپ کردن
بە وێنەوە    بە بێ وێنە
           
.

ئێستا كاژێر 2:30 خوله‌كی به‌یانی رۆژی سێشه‌ممه‌یه‌ به‌كاتی نیویۆرك كه‌ ئه‌م بابه‌ته‌ ده‌نووسم. له‌ دوێنێ شه‌وه‌وه‌ من نه‌خه‌وتووم و ئاگاداری زۆربه‌ی كاردانه‌وه‌كانم له‌ ئه‌مریكا. دوێنێ شه‌و له‌ پڕا كۆشكی سپی له‌ به‌یاننامه‌یه‌ك بڕیاری پشتگیری پلانی ناوچه‌ی "ئارامی" بڵاوكرده‌وه‌. بۆ به‌یانییه‌كه‌ی دۆناڵد تره‌مپ تووشی گه‌رده‌لوولێكی ره‌خنه‌ و فشار هاته‌وه‌. له‌ نه‌یارانییه‌وه‌ بۆ نزیكترین هاوپه‌یمانه‌كانی له‌ كۆنگرێس، میدیا و كه‌سایه‌تییه‌ دیاره‌كانی ئه‌مریكا.

"نابێت خیانه‌ت له‌ كورد بكه‌ین" بووه‌ته‌ درووشمی نه‌ك ته‌نها سیاسییه‌كانی واشنتن له‌ هه‌ردوو پارتی كۆماری و دیموكرات، به‌ڵكو كه‌سایه‌تییه‌ به‌نێوبانگه‌كانی ئه‌مریكا له‌ میدیا و هۆڵیوود و ته‌نانه‌ت به‌رنامه‌ كۆمیدییه‌كانیش.

"شێر" كه‌ هونه‌رمه‌ندێكی به‌ناوبانگی ئه‌مریكایه‌ پێش چه‌ند كاژێرێك له‌ تویتێكدا تره‌مپی به‌ "گه‌نده‌ڵ" ناوبرد. "تره‌مپ ده‌زانێت كه‌ توركیا كۆمه‌ڵكوژی له‌ دژی كورد ئه‌نجام ده‌دات. تره‌مپ هه‌ر ده‌یه‌وێت هاوپه‌یمانه‌ كورده‌كانمان بداته‌ ده‌ستی ئه‌ردۆغان" ئه‌و هونه‌رمه‌نده‌ كه‌ به‌ ده‌گمه‌ن باسی سیاسه‌ت ده‌كات تویتی كرد.

ستیڤن كۆلبێر كه‌ به‌رنامه‌ كۆمیدییه‌كه‌ی شه‌وانه‌ زۆرترین بینه‌ری هه‌یه‌ له‌ ئه‌مریكا، سوزان رایس-ی راوێژكاری ئاسایشی نه‌ته‌وه‌یی پێشووی ئه‌مریكای بانگهێشتكردبوو و پێكه‌وه‌ وه‌سفی كوردیان ده‌كرد و ره‌خنه‌یان ده‌گرت له‌ بڕیاره‌كه‌ی تره‌مپ.

ئه‌مشه‌و له‌ پڕبینه‌رترین كه‌ناڵه‌ ته‌له‌ڤزیۆنه‌كانی ئه‌مریكا كورد بابه‌تی سه‌ره‌كییان بوو. نه‌ك ته‌نها سی ئێن ئێن و ئه‌و كه‌ناڵانه‌ی كه‌ ده‌نگی ئۆپۆزیسیۆنن له‌ دژی تره‌مپ، به‌ڵكو كه‌ناڵی فۆكس نیوزیش ره‌خنه‌گربوو له‌ بڕیاره‌كه‌ی تره‌مپ. فۆكس نیوز پڕبینه‌رترین كه‌ناڵی هه‌واڵی ئه‌مریكایه‌ و گه‌وره‌ترین ده‌نگی پشتگیری دۆناڵد تره‌مپه‌.

ئه‌و فۆكس نیوزه‌ی كه‌ زۆربه‌ی بێژه‌ر و رۆژنامه‌نووسه‌كانی به‌ ئاشكرا پشتگیری له‌ هه‌موو بڕیاره‌كانی تره‌مپ ده‌كه‌ن، ئه‌مڕۆ ره‌خنه‌گربوون له‌ بڕیاره‌كه‌ی تره‌مپ. ئه‌و ئه‌مریكایه‌ی كه‌ به‌ره‌ی پشتگیر و ره‌خنه‌گری تره‌مپ له‌سه‌ر هه‌موو بابه‌تێك ناكۆكن، له‌سه‌ر كورد یه‌ك ده‌نگ بوون.

ئه‌وه‌ی له‌ماوه‌ی 24 كاژێری رابردوودا رووده‌دات له‌ ئه‌مریكا وه‌رچه‌رخانێكی مێژووییه‌ بۆ دۆزی كورد. جاران ته‌نها دیپلۆماتكار و چه‌ند سیاسییه‌كی واشنتن ده‌یانزانی كورد كێیه‌، به‌ڵام ئێستا نه‌ك هه‌ر رای گشتی ئه‌مریكی كورد ده‌ناسێت به‌ڵكو له‌ ریزی ئیسرائیل كورد به‌ "باشترین هاوپه‌یمانی ئه‌مریكا" ناو ده‌برێت.
من لێره‌ گه‌شبینیتان پێ نافرۆشم. تره‌مپ بڕیاری خۆی داوه‌ و توركیا موكڕ دیاره‌ له‌سه‌ر جێبه‌جێكردنی پلانه‌كه‌ی. به‌ڵام ویستم ئه‌م وێنه‌یه‌تان بۆ بگوازمه‌وه‌. ئه‌م شه‌پۆلی پشتگیریه‌ بۆ كورده‌ نه‌ك ته‌نها لایه‌نێك. كه‌س لێره‌ نازانێت یه‌په‌گه‌، یه‌كێتی، پارتی و ئه‌نه‌كه‌سه‌... هتد چییه‌. زۆربه‌یان نازانن كانتۆن له‌ كوێ ده‌ستپێده‌كات و هه‌رێمی كوردستان له‌ كوێیه‌. رای گشتی و سیاسییه‌كانی ئه‌مریكا و سه‌ركرده‌ و خه‌ڵكی وڵاتانی دیكه‌ی جیهان به‌ هه‌موومان ده‌ڵێن "كورد". هه‌واڵه‌كانی زۆربه‌ی رۆژنامه‌ و ده‌زگا میدیاییه‌كانی ئه‌مریكا ده‌ڵێن "توركیا هێرش ده‌كاته‌ سه‌ر كورد".

بێگومان هێرشی توركیا و دروستبوونی كاره‌ساتێكی مرۆیی له‌ رۆژئاوای كوردستان ئه‌گه‌رێكی زۆری هه‌یه‌ كه‌ كێشه‌ی گه‌وره‌ بۆ هه‌رێمی كوردستان دروستبكات. به‌ڵام ئه‌م بابه‌ته‌م ده‌رباره‌ی هه‌ڕه‌شه‌كان نییه‌، به‌ڵكو ده‌رباره‌ی ئه‌م ده‌رفه‌ته‌ گه‌وره‌یه‌یه‌ كه‌ ئێستا بۆ كورد دروستبووه‌. بۆ یه‌كه‌مینجار له‌ مێژووی مۆدێرندا، ئه‌م نه‌ته‌وه‌ مه‌زڵومه‌ له‌ دڵ و مێشكی به‌شێكی رای گشتی ئه‌مریكی و جیهانی جێی خۆی كردووه‌ته‌وه‌. ئه‌وانه‌ش گاڵته‌یان به‌ گرنگی هاوسۆزی رای گشتی ئه‌مریكا و رۆژئاوایی دێت.

من ساڵی 1991، 2014 و مانگی 12ـی 2018ـه‌یان بیرده‌هێنه‌مه‌وه‌. كۆڕه‌وه‌ ملیۆنییه‌كه‌ی دوای راپه‌ڕین و هاوسۆزی رای گشتی فه‌ره‌نسی و ئه‌مریكی بووه‌ هۆی دامه‌زراندنی هێڵی 36. وێنه‌كانی رووداو له‌سه‌ر چیای شنگال بیانۆی سه‌ره‌كی ئۆباما بوو له‌ په‌شیمان بوونه‌وه‌ له‌ بڕیاری نه‌گه‌ڕانه‌وه‌ بۆ عێراق و ئه‌نجامدانی هێرشی ئاسمانی پێشئه‌وه‌ی داعش بگاته‌ هه‌ولێر. شه‌پۆلی ره‌خنه‌ی رای گشتی و نوخبه‌ی سیاسی ئه‌مریكی بوو كه‌ ساڵی رابردوو دۆناڵد تره‌مپی په‌شیمانكرده‌وه‌ له‌ بڕیاری كشانه‌وه‌ی ته‌واو له‌ سووریا.

مه‌رج نییه‌ رای گشتی هه‌مووجارێك كاریگه‌ر بێت یاخود سه‌ركرده‌كان لێی تێبگه‌ن. ئه‌وه‌ دۆناڵد تره‌مپ پێیوایه‌ كشانه‌وه‌ له‌ سووریا ده‌نگی زیاتری بۆ كۆده‌كاته‌وه‌. به‌ڵام ئه‌م جۆره‌ هاوسۆزییه‌ شتێكی نوێیه‌ و پێویسته‌ -به‌تایبه‌تی- بڕیاربه‌ده‌ستانی كورد لێی ئاگاداربن و كاری له‌سه‌ر بكه‌ن.

ئیدی كلیلی پشتگیری نێوده‌وڵه‌تی ته‌نها لای سیاسییه‌كانی واشنتن و پایته‌خته‌كان نییه‌، به‌ڵكو له‌ هزر و دڵی به‌شێك له‌ رای گشتی ئه‌مریكی و رۆژئاواییه‌ كه‌ كورد به‌ رزگاركه‌ر ده‌بینێت له‌به‌رامبه‌ر هه‌ڕه‌شه‌ی تیرۆر.

PUKmedia تایبه‌ت

وێنە هەواڵ
  • image04
  • پێشمه‌رگه‌ی دێرین ئه‌حمه‌د زاگه‌ كۆچی دوایی كرد

  • image04
  • هەڵواسینی وێنەی هونەرمەندی خوالێخۆشبوو ( ئاسۆ عومەر سوارە) لەچایخانەی شەعب

  • image04
  • هه‌مواری په‌یڕه‌وی ناوخۆی یه‌كێتی به‌رده‌وامه‌

  • image04
  • كۆبوونەوەی ئەنجومەنی باڵای سیاسی و بەرژەوەندی یەكێتیی نیشتمانیی كوردستان

  • image04
  • یه‌كه‌مین كۆبوونه‌وه‌ی ئه‌نجومه‌نی گشتی سه‌ركردایه‌تی یه‌كێتی

  • image04
  • به‌فر هه‌رێمی كوردستان سپی پۆش ده‌كات

  • image04
  • ریاڵ مه‌درید نازناوی جامی سوپه‌ری یانه‌كانی ئیسپانیای به‌ده‌ستهێنا

  • image04
  • بووكێك خه‌رجی هاوسه‌رگیرییه‌كه‌ی خۆی ده‌به‌خشێته‌ نه‌خۆشخانه‌ی هیوا


                                           

ئەڵمانیا.. هەنگاوێكی تر بەرەو پەروەردەكردنی مامۆستایانی زمانی دایك


وەزارەتی خوێندنی باڵاو توێژینەوەی زانستی لەهەنگاوێكی دیكەی بەرەو دەستپێكردنی پرۆسەی پەروەردەكردنی مامۆستای زمانی كوردی لە ئەڵمانیا، سەرۆكی دەستەی كوردست...


  زانیاری لەبارەی ئەو یەختەی ژمارەیەك كورد تیێدا گیانیان لەدەستدا
  كوردانی فەرەنسا ئاهەنگێكی هونەری سازدەكەن
                                           

44 ساڵ لەمەوبەر کتێبخانەیەک سلێمانی روناککردەوە


44 ساڵ لەمەوپێش كتێبخانەیەك بوە روناككەرەوەی شاری سلێمانی، پرشنگی رەنگاوڕەنگی بەهەموو لایەكی شاردا نەخشاند و پەیامی زانست و رۆشنبیری پێبوو، ئەویش كتێبخانەی پەیامە، ئەم كتێبخانەیە دەكەوێتە...


  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
  عومەر شێخ موس: سەركردایەتیی كورد لەسیاسەت تێ نەگەیشتووە
                                           

دهۆک 24 حاڵەتی ئەنفلۆنزای بەرازی تۆمارکردوە

حاڵەتەکانی توشبون بە ئەنفلۆنزای بەراز لە شاری دهۆک گەیشتوەتە ٢٤ کەس و لەبارەی ڤایرۆسەکەشەوە رێکخراوی تەندروستی جیهانی رایدەگەیەنێت به‌ گشتی چاره‌سه‌ری ڤایرۆسه‌...


  كەرتی گەشتوگوزاری هەرێم پێشدەكەوێت
  نانی تیری بۆ ئه‌وروپا هه‌نارده‌ ده‌كرێت


کاریکاتێر