تەندروستی چەمچەماڵ ئاماری چالاكییەكانی بڵاودەكاتەوە
کوردستان 01:13 PM - 2019-10-08.
بەڕێوەبەرایەتی تەندروستی چەمچەماڵ، ئاماری كاروچالاكییەكانی ساڵی رابردووی سنوورەكەی بڵاوكردەوە و راشیگەیاند، سنوورەكە پێویستی زیاتری بە خزمەتگوزاری تەندروستی هەیە.
لە راگەیانراویكدا وێنەیەكی دەست PUKmedia كەوتووە بەڕێوەبەرایەتی تەندروستی چەمچەماڵ، سەرجەم كار و پڕۆژە و خزمەتگوزارییە تەندروستییەكانی كەلەماوەی ساڵی رابردوودا لەسنووری چەمچەماڵ و ناحیەكانی ئەنجامدراوە بڵاوكردەوە كە بریتین لە:
1- كردنەوەی سەنتەری پزیشكی پسپۆڕی ددانی شەهیدانی بێكەس لەگەڕەكی بێكەس لە چەمچەماڵ بۆ چارەسەركردن و بینینی نەخۆشانی ددان.
2-كردنەوەی (سەنتەری تاقیگەی مەركەزی) تایبەت بە ئەنجامدانی سەرجەم شیكاری و پشكنینەكان دوای هەوڵوماندوبوونێكی زۆر بەدرێژای 8 مانگ، سەرەڕای دروستكردنی ئاستەنگ و كێشە لەبەردەم كردنەوەی ئەو پرۆژەیە خۆشبەختانە لەئێستادا كارەكانی لەتەواوبووندایە بەتەواوبوونیشی خزمەتێكی گەورە بە دانیشتوانی قەزای چەمچەماڵ دەكات و هاوڵاتیان ناچارنابن بۆ پشكنینەكان پەنا بۆ تاقیگەكانی ئێواران بەرن.
3- كردنەوەی هۆڵێكی نوێی نەشتەرگەری لە نەخۆشخانەی گشتی ئەندازیار شەهید هۆشەنگ ئازاد بۆ ژنان و منداڵبوون و دابینكردنی سەرجەم ئامێرەكانی نەشتەرگەی بۆ ئەو هۆڵەو نۆژەنكردنەوەی هۆڵەكانی تری نەشتەرگەری ئەو نەخۆشخانەیە.
4- دروستكردنی ( هۆڵ و پرسگەی چاوەڕوانی) بۆ نەخۆش و هاوەڵی نەخۆش لە كلینیكی راوێژكاری شەهید پێشرەو ،كەلە ئێستادا لەقۆناغی جێبەجێكردندایە.
5- دروستكردنی هۆڵی بەشی فریاكەوتن لەناو نەخۆشخانەی گشتی باسەڕە لەناحییەی شۆڕش، كە كارئاسانی زیاتر بۆ هاوڵاتیانی ئەو ناحییە دەكات و ،تەواوبوونی ئەم پرۆژەیە گرنگی و رۆڵی بەرچاوی دەبێت لە چارەسەركردن و بەهاناوەچوونی نەخۆش و برینداری ئەو رووداو حاڵەتە كتوپڕولەناكاوانەی كە لەو سنورە روو دەدەن و رەوانەی ئەو بەشی فریاكەتنە دەكرێت و دەبێتە هۆی كەمبوونەوەی ئەو فشار و لۆدەش كەلەسەر بەشی فریاكەوتن نەخۆشخانەی گشتی شەهید پێشڕەو هەیە لەچەمچەماڵ.
6- كردنەوەی هۆڵی نەشتەرگەرییەكانی چاو و دابینكردنی ئامێرێكی (میكرۆسكۆب) بەبڕی 26 ملیۆن دینار بۆنەخۆشخانەی گشتی شەهید پێشڕەو.
7-نوێكردنەوە و چاككردنەوەی كەموكوڕییەكان و دابینكردنی پێداویستیەكانی مەڵبەندی تەندروستی سەرەكی چەرموو.
8- كڕینی سێ ئامێری نوێی (سۆنار) بۆ بەشی تیشكی نەخۆشخانەكانی سنوری بەڕێوەبەرایەتی تەندروستی چەمچەماڵ بەبڕی 63 ملیۆن دینار،بەهۆی نەبوون و دابینەكردنی ئامێری نوێ لەماوەكانی پێشتر و ساڵانی رابردوودا.
9- دابینكردنی ئامێری ناوسكبینی (lap) نازور بەبڕی زیاتر لە 21 ملیۆن دینار بۆ نەخۆشخانەی گشتی شەهید پێشڕەو ،كە نەشتەرگەرییەكانی (ریخۆڵەكوێرە و زراو و فتق و بەردی میزەڵان و بەردی بۆری گورچیلە و پرۆستات)ی پێ ئەنجامدەدرێت.
10- دابینكردنی ئۆتۆمبێلێكی گواستنەوەی دەرمان (بەراد) بۆ كۆگای دەرمانی بەڕێوەبەرایەتی تەندروستی چەمچەماڵ بەبڕی 51 ملیۆن دینار،كە لەپێشدا و هەر لەسەرەتای دروستبوونی بەڕێوەبەرایەتی تەندروستی چەمچەماڵ ،بەهۆی نەبوونی ئۆتۆبێلی (بەراد) دەرمان و پێداویستی پزیشكی بە ئۆتۆبێلی بار دەگواسترایەوە.
11- چاكردنەوەی ئامێری شكانی بەردی گوچیلە لەناو كلینكی راوێژكاری شەهید پێشڕەو، كە لە پێشدا ماوەیەكی زۆر بوو لەكاركەوتبوو.
12- هەردوو مەڵبەندی تەندروستی راپەڕین لە ناو چەمچەماڵ و مەڵبەندی تەندروستی شەهید مەلا یاسین لەناحییەی شۆڕش، لەمەڵبەندێكی لاوەكیەوە كرابە مەڵبەندی سەرەكی و كردنەوەی هەرسێ بەشی (كوتان وچاودێری ژنانی دوو گیان و گەشەی مناڵ) و دابینكردنی پزیشك بۆ لەو دوو مەڵبەندە تەندروستیە، كەلەپێشدا هیچ پزیشكێكیان تێدا نەبوو.
13- ئەم نەخۆشخانە و مەڵبەندە تەندروستیانەی لای خوارەوە لە(12 سەعاتی) یەوە كران بە (24 سەعاتی) ، واتا ئێستا بە رۆژ و شەو دەوامی تێدا دەكرێت و نەخۆشی تێدا دەبینرێت ،كەلەپێشدا تا كاتژمێیر دوانزەی نیوەڕۆ دەوامی تێدا دەكرا ئەو شوێنانەش بریتین لە:-
- نەخۆشخانەی گشتی باسەرە لەناحییەی شۆڕش.
- مەڵبەندی تەندروستی تەكیەی كاكەمەند لە ناحییەی تەكییەی كاكە مەند.
- مەڵبەندی تەندروستی شەهید حەمە غەفور ئاغجەلەری لەناحییەی ئاغجەلەر.
14- لە ئێستاشدا لە هەوڵی دابینكردن و كڕینی ئامێری سیتی سكان (ct-scan) داین بەبڕی یەك ملیۆن دۆلار بۆ نەخۆشخانەی گشتی شەهید پێشڕەو.
ئەمانەو دابین كردن و نۆژەنكردنەوەی دەیان دامەزراوەی تەندروستی گرنگی تر لە سنورەكەدا و لەئێستادا چەندین پرۆژەی تر كاری تێدا دەكرێت و لە قۆناغی جبێبەجێكردندان ،وە لەهەوڵی دروستكردنی نەخۆشخانەیەكی راوێژكاری داین لە لەناحییەی شۆڕش.
سەرەڕای جێبەجێكردنی ئەم پرۆژە و كارانە، بەڵام نایشارینەوە كە كەمووكوڕی لە ئێستاو رابردووشدا هەبوون ئەم سنوورە پێویستی زیاتری بە خزمەتگوزاری تەندروستی هەیە لەوانە دروستكردنی نەخۆشخانەی سەد تەختی و چەندین پرۆژەی تر كە بەردەوام هەوڵی جێبەجێكردنی دەدەین.
PUKmedia عەدنان كەلهوڕی
هەواڵی زیاتر
-
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18
ئەمانەش ببینە
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
سەرۆک بافڵ: یەکێتی ئامادەی هەڵبژاردنە
03:49 PM - 2024-04-18
کۆمسیۆن وادەی بانگەشەی هەڵبژاردن دیاریدەکات
10:29 AM - 2024-04-18
زۆرترین خوێنراو
-
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18 -
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
کوردستان 05:05 PM - 2024-04-18 -
كونسوڵی روسیا: یهكێتی هێزێكی كاریگهره
کوردستان 04:42 PM - 2024-04-18 -
سەرۆک بافڵ: یەکێتی ئامادەی هەڵبژاردنە
کوردستان 03:49 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
کوردستان 02:20 PM - 2024-04-18