سەرۆك كۆمار وتارێك ئاڕاستەی گەلانی عیراق دەكات

.

د. بەرهەم ساڵح سەرۆك كۆماری عیراق وتارێك ئاڕاستەی گەلانی عیراق دەكات و رایدەگەیەنێت، ئەوانەی تەقەیان لە خۆپیشاندەران كردووە كەسانێكن كەلەیاسا دەرچوون و داواكارییەكانی گەل رەوان.

ئەمشەو دوو شەممە 7-10-2019، د. بەرهەم ساڵح سەرۆك كۆماری عیراق، وتارێكی ئاڕاستەی گەلانی عیراق كرد و رایگەیاند: پێویستە سەرجەم كەیسەكانی گەندەڵی رەوانەی دادگا بكرێن بەبێ جیاكاری كەسیی و داواشدەكەین لیژنەیەك پێكبهێنرێت بۆ ئەوەی گفتوگتوگۆ لەگەڵ هێزەكان و خۆپیشاندەران بكات.

راشیگەیاند: ئەوانەی رووبەڕووی خۆپیشاندەران دەبنەوە دوژمنی عیراقن و تەقەكەردن لەخۆپیشاندەران بەبڕیاری حكومەت و لێپرسراوانی عیراق نەبووە.

سەرۆك كۆماری عیراق جەختیشیكردەوە: تەقەكەران رووبەرووی یاسا دەكرێنەوە وپێویستە هەموومان كاربكەین بۆ ساڕێژكردنی برینەكان، چونكە داواكارییەكانی گەل داوای رەوان.

هەر لە وتارەكەیدا د. بەرهەم راشیگەیاند: پێویستە خۆپیشاندەران هێمنیان بپارێزن و رێگە نەدەن بەلاڕێدا ببرێن و سەرجەم هەوڵەكانیش بەئاڕاستەی چارەسەركردنی كێشەكان چڕبكرێنەوە، هەروەها ستایشی رۆڵی موقتەدا سەردر و سەرجەم مەرجەعە ئاینییەكانشی كرد.

PUKmedia ژینەر محەمەد

لینكی وتارەكەی سەرۆك كۆماری عیراق...