قوباد تاڵەبانی: گرژییەكانی عیراق ژیرانە چارەسەر بكرێن

.

قوباد تاڵەبانی لەگەڵ باڵیۆزی فەرەنسا لەعیراق و بەئامادە بوونی كونسڵی فەرەنسا لە ھەرێم، كۆبوونەوە و گفتوگۆی رەوشی هەرێم و عیراق و ناوچەكەكەیان كرد.

ئەمڕۆ دوو شەممە 7-10-2019، قوباد تاڵەبانی جێگری سەرۆك وەزیرانی هەرێم، لەمیانەی پێشوازیكردن لە برۆنۆ ئۆبیر باڵیۆزی فەرەنسا لە عیراق، جەختیكردەوە پێویستە ئەو گرژی و نائارامیانەی ئێستا لە عیراقدا هەن بەشێوازێكی هێمنانە و ژیرانە چارەسەر بكرێن.

ئاماژەی بەوەشدا، كە لەگەڵ حكومەتی عیراق نزیكن لە چارەسەركردنی كێشە هەڵپەسێردراوەكانی نێوانیان لەسەر بنەمای ماددە و بڕگەكانی دەستوری هەمیشەیی عیراق، بەتایبەت لەبارەی پرسی بودجەی هەرێمی كوردستان.

ھەروەھا لەبەشێكی تری كۆبوونەوەكەدا، جێگری سەرۆك وەزیران باسی لە رەوشی ئێستای سوریا كرد و گرنگی چارەسەر كردنی كێشەكان بێ زیان گەیاندن بە ھاووڵاتیانی سڤیل.

PUKmedia تایبەت