خوا رەحم بکات

.

خوا رەحم بکات

*حکومەتی هەرێم داوای لە سەدا حەڤدەی هەموو شتێکی عێراق دەکات جگە لە موزاهەرات.

*تاقە شتێک کە بڕیومەتە دەسەڵات چاوە.

*گۆرانیبێژەکانمان زۆر لاسایی حەسەن زیرەک دەکەنەوە! لە چاوباشقاڵیدا.

*دوو شت هەرگیز ئینسان ناتوانێت لێ یان رابکات! مردن و خوتبەکانی پارێزگار.

*کوڕی خۆم کوردایەتی وەکو خوێندنی زانکۆ وایە هیچی لێ هەڵناکڕێنیت.

*سلێمانی زۆر عەجیبە! هەموو بەگەکانی قەرەباڵغن! مەجید بەگ و سەلیم بەگ.

*تازەترین درۆ؛ جارێ خواحافیز ئاگامان لە یەک ئەبێ.

*زاواکەمان ئەوەندە کەشخەیە قاوەش بە قەسەب ئەخواتەوە.

*پاییز بەبێ لالەنگی هیچ قیمەتێکی نییە، وەزیرییش بەبێ دەسەڵات.

*ئاخ خۆزگە شانسیش وەک کامێرای رووداو لە هەموو شوێنێک پێش تۆ لەوێ بوایە.

*لە دوای چای سارد، ناخۆشترین شت ئەوەیە نەزانی داهاتی نەوتەکە کوا.

*بەرنامەی حکومەتی هەرێم بۆ ئەم فەوزایەی عێراق؛ خوا رەحم بکات.