رێکخستنی لینزی یەکێتی کۆبوەوە

.

ڕۆژی یەک شه‌ممه‌ ڕێکه‌وتی 06/10/2019  به‌ ئاماده‌بونی به‌رپرسی کۆمیتە و ئه‌ندامی بەشی کۆمەڵایەتی کۆمیته‌(خاتوو لەمیعە)،کۆنفرانسی ڕێکخراوه‌یی بۆ هه‌ڵبژاردنی به‌رپرس وکارگێڕانی که‌رته‌کانی شاری (لینز) ئه‌نجام درا.

بۆ ڕێزلێنان له‌ گیانی پاکی شه‌هیدان، کۆنفرانس به‌ خوله‌کێک وه‌ستان ده‌ستیپێکرد ،سه‌ره‌تا به‌رپرسی کۆمیته‌ (ڕاستی جوامێر) به‌ناوی کۆمیته‌ی ڕێکخستی(ی.ن.ک) له‌ نه‌مسا،به‌گه‌رمی به‌خێرهاتنی هه‌ڤاڵان وئه‌ندامانی ئاماده‌بووی کرد و پاشان ڕونکردنەوەیەکی دەربارەی ئەو گۆرانکارییانەی کرد کە لەسەرجەم کۆمیتەکانی سەر بەناوەندی دەرەوە ڕویانداوە کە چۆن لەبەرژێوەندی کۆمیتەکانە ،بەو پێیەی ئەرکیان فراوانتر و ڕۆڵی زیاتریان پێ دەدرێت ،وەهەستی زیاتریان لادروست دەبێت و متمانە بەخۆکردنیان لا پەیدا دەبێت وهەر یەکەیان هەنگاوێک بەرەو پێش دەچن وچەقبەستووییان لا دەڕەوێتەوە.وەهەروەها ڕونکردنه‌وه ‌و باسێکی له‌سه‌ر چۆنییه‌تی و شێوازی هه‌ڵبژاردن و هه‌ل ومه‌رجی هه‌نوکه‌یی بۆ فراوانکردنی  کاری ڕێکخراوه‌یی کرد . هه‌روه‌ها جه‌ختی له‌سه‌ر یه‌کڕیزی یه‌کێتی ناو ڕیزه‌کانی یه‌کێتی کرده‌وه‌ و هیوای خواست دڵسۆزانه‌‌ له‌ داهاتووشدا ئه‌رکه‌کانی سه‌رشانیان به‌ جێ بگه‌یه‌نن.

پاشان لە پەراوێزی کۆبوونەوەکەدا خەڵاتی ڕێزلێنان بەخشرایە کۆمەڵێک ئەندامی چاڵاک و هەڵسوڕاوی کەرت کە دڵسۆزانە لەماوەی ساڵانی ڕابردوودا ئەرکی ئەندامێتی خۆیان بەرجەستە کردووە.

هه‌ڤاڵانی کۆمیته‌ی ڕێکخستن وێرای ده‌ستخۆشی کردن له‌ سه‌رجه‌م ئه‌ندامان،هیواشیان خواست  که‌هه‌موویان پێکه‌وه‌ به‌ په‌رۆشه‌وه‌ ئه‌رکه‌کانی سه‌رشانیان ئه‌نجام بده‌ن‌ و به‌ ته‌بایی به‌رژوه‌ندیه‌باڵاکانی (ی.ن.ک) بپارێزن‌،داوایان کرد بواری زیاتر به‌ گه‌نجان و ژنان بدرێت تاوه‌کو له‌ پێناو زیاتر گه‌شه‌سەندن وفراوانکردنی ڕێکخستنه‌کاندا  ڕۆڵی به‌رچاو ببینن.

له‌ لایه‌ن ئه‌ندامانی ئاماده‌بووه‌وه‌ چه‌ندین پێشنیاری گرنگ وپێویست به‌ ئامانجی کاراترکردنی بواری ڕێکخستن خرانه‌ڕوو به‌شێوه‌یه‌کی کراوه‌ وئازادانه‌  ئاڵوگۆڕی بیر وبۆچوونه‌کان کرا و وه‌ک پێویست ئاماده‌یی خۆیان نیشاندا که‌ هه‌میشه‌ دڵسۆز بن بۆ یه‌کێتی و ڕێبازه‌ پیرۆزه‌که‌ی.


PUKmedia ڕاگەیاندنی کۆمیتەی (ی.ن.ک)/ نەمسا