ئەنجومەنی نوێنەران بەمەرج كۆدەبێتەوە

.

ئەگەر رێژەی یاسایی ئەندامانی ئەنجومەنی نوێنەرانی عیراق تەواوبێت، ئەوا ئەنجومەنی نوێنەران بۆ گفتوگۆی داواكارییەكانی خۆپیشاندەران كۆدەبێتەوە. 

لەوبارەیەوە حسێن نەرمو ئەندامی فراكسیۆنی یەكێتی لەئەنجومەنی نوێنەرانی عیراق بە PUKmedia ی راگەیاند: تا ئێستا هیچ بڕیارێكی رەسمی نییە بۆ كۆبوونەوەی ئەنجومەنی نوێنەران بەڵام لەكۆبوونەوەی سەرۆكایەتی پەرلەماندا بڕیار دراوە ئەمڕۆ دوو شەممە ئەنجومەنی نوێنەران كۆببێتەوە.

وتیشی: كۆبوونەوەكەی ئەمڕۆی ئەنجومەنی نوێنەران بۆ گفتوگۆكردنی داواكارییەكانی خۆپیشاندەرانە و ئەگەر رێژەی یاسایی ئەندامانی ئەنجومەن  تەواوبێت ئەوا كۆبوونەوەكە دەكرێت و تەئكیدیشی كردەوە كە فراكسیۆنە كوردییەكان ئامادەیان دەربڕیوە بۆ بەشداری كردن.

راشیگەیاند: ئەگەر هەندێك فراكسیۆن بایكۆتی كۆبوونەوەكە نەكەن و رێژەی یاسایی ئەندامان تەواوبێت ئەوا دانیشتنەكە دەكرێت.

PUKmedia تایبەت