لیژنه‌كانى قائیمقامیه‌تى سلێمانى ئامارێك بڵاو ده‌كه‌نه‌وه‌

.

 له‌ ماوه‌ى ته‌نیا مانگێكدا لیژنه‌ى دووى سه‌ر به‌ لیژنه‌هاوبه‌شه‌كانى قائیمقامیه‌تى سلێمانى سه‌ردانى "222" شوێنى كردووه‌ و له‌ ئه‌نجامى گه‌رِان و به‌سه‌ركردنه‌وه‌كانیدا چه‌ندین شوێن رووبه‌رِووى سزاكراونه‌ته‌وه‌ و ده‌ستخۆشى له‌و وشێنانه‌ كراوه‌ كه‌ پابه‌ندنى جێبه‌جێ كردنى مه‌رج و رێنماییه‌كانى كاركردنن , 

به‌پێى راپۆرتى لیژنه‌ى"2" كه‌ یه‌كێكه‌ له‌ لیژنه‌هاوبه‌شه‌كانى قائیمقامیه‌تى سلێمانى له‌ مانگى "9" ئه‌یلولدا لیژنه‌كه‌ "222" شوێنى جیا له‌ سلێمانى به‌سه‌ركردووه‌ته‌وه‌ و به‌ووردى به‌دواداچونى بۆ چۆنیه‌تى جێبه‌جێكردنى مه‌رج و رێنماییه‌كان كردووه‌ , به‌پێى ئاماره‌كانى لیژنه‌كه‌ له‌و مانگه‌دا "17" شوێن به‌هۆى بونى سه‌رپێچى رووبه‌رِووى سزای دارایى كراوه‌ته‌وه‌ و به‌هۆى بونى جۆره‌كانى سه‌رپێچى و وه‌ك پێویست پابه‌ندن نه‌بوون "66" شوێن ئاگادار كراونه‌ته‌وه‌  له‌ماوه‌یه‌كى دیارى كراودا پابه‌ندى سه‌رجه‌م مه‌رج و رێنماییه‌كان بن , به‌هۆى جۆرى سه‌رپێچیه‌كیه‌وه‌ شوێنێك له‌سه‌ر فه‌رمانى قائیمقامى سلێمانى داخراوه‌,  له‌ ئامارى لیژنه‌كه‌دا هاتووه‌ له‌ مانگى ئه‌یلولدا ده‌ستیان گرتووه‌ به‌سه‌ر "39" پارچه‌ جگه‌رى خرابوو "41" قیمه‌ى خرابوو , هه‌روه‌ها ده‌ستگیراوه‌ به‌سه‌ر ده‌یان كلیۆ گرام مه‌واد و خواردنى ماوه‌ به‌سه‌رچوو زیان به‌خشدا و دواى ده‌ست به‌سه‌راگرتنى له‌لایه‌ن لیژنه‌ى له‌ناوبردنه‌وه‌ له‌ناوبراوه‌ , 

لیژنه‌ى "2" یه‌كێكه‌ له‌ لیژنه‌ هاوبه‌شه‌شه‌كانى قائیمقامیه‌تى سلێمانى و كارى لیژنه‌كه‌ له‌ نێو بازارِ و ماركێت و شوێنه‌ گشتیه‌كان به‌دواداچونه‌ بۆ جێبه‌جێكردنى مه‌رج و رێنماییه‌كان و ئامانجى سه‌ره‌كى لیژنه‌كه‌ش پاراستنى لایه‌نى ته‌ندروستى هاولاَتیان و پارێزگرى كردنه‌ له‌ ماف و به‌رژه‌وه‌ندى گشتى . 

لیژنه‌هاوبه‌شه‌كانى قائیمقامیه‌تى سلێمانى به‌گشتى چاوێكى كراوه‌ن بۆ پارێزگارى كردن له‌ ته‌ندروستى هاولاَتیان و رۆژانه‌ له‌ رێگه‌ى 36 لیژنه‌وه‌ چاودێرى وورد و به‌دواداچون بۆ هه‌موو ئه‌و لایه‌نانه‌ ده‌كه‌ن كه‌ په‌یوه‌ستن به‌ ژیانى رۆژانه‌ى هاولاَتیان.

 PUKmedia راگه‌یاندنى قائیمقامیه‌تى سلێمانى