ئه‌ڵمانیا توتنی بێ زیان به‌رهه‌م ده‌هێنێت

.

زانایانی ئه‌ڵمانیا توتنێك به‌رهه‌م ده‌هێنن خاڵی ده‌بێ له‌نیكۆتین
له‌هه‌نگاوێكی زانستی بێوێنه‌دا زانایانی ئه‌ڵمانی توتنێك به‌رهه‌م ده‌هێنن وه‌ك ئه‌وه‌ی نیكۆتینی تیانه‌بێت. ئه‌م هه‌نگاوه‌ زانستیه‌ یارمه‌تی زۆری ئه‌وانه‌ ئه‌دات كه‌جگه‌ره‌ ده‌كێشن و له‌به‌شیكی زۆری ئه‌و مه‌ترسیانه‌ ڕزگاریان ده‌كات،ژماره‌یه‌ك له‌توێژه‌ره‌وانی ئه‌ڵمانی گه‌شتنه‌ ئه‌و سه‌ره‌نجامه‌ی به‌رهه‌مهێنانی نیكۆتین بوه‌ستێنن كه‌هۆكاری یه‌كه‌می خووگرتنی كه‌سه‌كانه‌ به‌كێشانی جگه‌ره‌وه‌.زانایانی ئه‌ڵمانی سه‌ركه‌وتنیان به‌ده‌ست هێناو له‌دوایین ژماره‌ی گۆڤاری"بلانت بایو ته‌كنولۆژیا جورناڵ" كه‌تایبه‌ته‌ به‌لێكۆڵینه‌وه‌ی  زانستی له‌سه‌ر پێشكه‌وتنه‌ زیندوه‌كانی ڕووه‌ك ئاشكرایانكرد ئه‌وان گه‌شتنه‌ ئه‌وه‌ی له‌ڕێگه‌ی هه‌نده‌سه‌ی بۆ ماوه‌ییه‌وه‌ توتنێك به‌رهه‌م بهێنن نیكۆتینی تیانه‌بێت.زانایانی زانكۆی دۆرتمۆندی ئه‌ڵمانی  بۆزانستی پراكتیزه‌كردن ڕونیانكرده‌وه‌ ئه‌وان سه‌ركه‌وتنیان به‌ده‌ستهێنا له‌ڕێگه‌ی ده‌ستێوه‌ردانی بۆماوه‌یی شه‌تڵی توتنی"فیرجینیا"به‌شێوه‌ی ته‌كنیكی هه‌نده‌سه‌ی بۆ ماوه‌ییه‌وه‌ ئه‌وه‌ش ده‌بێته‌ تاڕاده‌یه‌ك له‌ناوبردنی ئه‌و نیكۆتینه‌ی كه‌له‌و جۆره‌ توتنه‌دا هه‌یه‌ به‌رێژه‌ی له‌ 400%.

سه‌رپه‌رشتیاری ئه‌و لێكۆڵینه‌وه‌ زانستیه‌"فلیكس شتیله‌"دڵنیایدا كه‌پێشتر هیچ كه‌سێك نه‌یتوانیه‌وه‌ به‌و شێوه‌یه‌ كۆی گشتی ڕێژه‌ی نیكۆتین كه‌مكاته‌وه‌ ئه‌مه‌ له‌كاتێكدا كه‌له‌ یه‌ك گرامی ئه‌و توتنه‌دا 16 میلیگرام ماده‌ی نیكۆتینی تێدابووه‌ به‌لام له‌دوای سه‌ركه‌وتنی ئه‌و توێژینه‌وه‌یه‌ ئێستا له‌هه‌ر گرامێكدا 0.04 میلیگرام نیكۆتینی تێدایه‌.

زانایانی ئه‌ڵمان ڕونیشیانكرده‌وه‌ ئه‌وان به‌مقه‌ستێكی بۆ ماوه‌یی!! بۆ گۆرینی بۆماوه‌یی شه‌تڵی توتنی فرجینیا له‌رێگه‌ی بڕینی شه‌ش خاڵیبۆماوه‌یی كه‌هۆكاری به‌رهه‌مهێنانی نیكۆتینه‌ له‌و توتنه‌دا ئه‌و كاره‌یان ئه‌نجامداوه‌،به‌چاوپۆشین له‌وه‌ی هه‌موو ئه‌و خاڵه‌ بۆماوه‌ییه‌ی له‌شه‌تڵه‌كه‌دا ده‌بردرێ  جارێكیتر له‌ شه‌تڵه‌كه‌دا دروست ده‌بێته‌وه‌ ئه‌وان ده‌ڵێن ئێمه‌ ئه‌وه‌مان كرد و بووه‌ هۆی ڕاوه‌ستانی به‌رهه‌مهێنانی نیكۆتین  له‌توتنه‌كه‌دا.

زانایان جه‌ختیانكرده‌وه‌ له‌توانادایه‌ هه‌مان پرۆسه‌ به‌سه‌ر جۆره‌ها توتندا تاقیبكرێته‌وه‌ كه‌نه‌ك به‌ته‌نیا متمانه‌ی بكرێته‌ سه‌ر وه‌ك كه‌ره‌سه‌یه‌كی خاو بۆ به‌رهه‌مهێنانی جگه‌ره‌   به‌ڵكو بۆچه‌ندین لێكۆڵینه‌وه‌ی زانستیتر زانایان ئاماژه‌شیان به‌وه‌داوه‌ دوكه‌ڵی جگه‌ره‌ 4800 ماده‌ له‌خۆ ده‌گرێ له‌و ژماره‌یه‌ش 70ماده‌ی ده‌بێته‌ هۆكاری توشبوون به‌نه‌خۆشی شێرپه‌نجه‌ هۆكاری هه‌موو ئه‌وانه‌ش نیكۆتینه‌ كه‌ئینسانه‌كان توشی ئالوده‌بون ده‌كه‌ن به‌جگه‌ره‌وه‌.

PUKmedia شیهاب عوسمان – ئه‌ڵمانیا