بەغداد و هەولێر تەواوكەری یەكتر

بەغداد و هەولێر تەواوكەری یەكتر


24/9/2019 19:41:00
چاپ کردن
بە وێنەوە    بە بێ وێنە
           
.

لەم ڕۆژانەدا دوو ساڵی تەواو تێپەڕدەبێت بەسەر پڕۆسەی ڕیفراندۆمەكەی 25 ئەیلولی ساڵی 2017دا،كە بەداخەوە نەتوانرا مەبەست و ئامانجە سەرەكیەكەی ئەو پڕۆسە پیرۆزە وەدیبهێنرێت،لەلایەك بەهۆی هۆكاری خودی ناوخۆیی و لەلایەكی تریشەوە بەهۆی هۆكارە بابەتیە دەرەكیەكان لەناوچەكە و دونیاشدا.لێرەدا هیچ مەبەستمان نیە كە برینی ئەو پڕۆسە شكستخواردوە بوكلێنینەوە یان تۆمەت بخەیەنە پاڵ هیچ سەركردە و حیزبێكی سیاسی، هێندەی مەبەستمانە كە لەم یادەدا بیری هەموان بهێنینەوە بەوەی كە پەندێكی قوڵمان لەو ڕۆژانە وەرگرتبێت و بەسەر كار و كردەوە و گوتارو هەڵە و سۆزەكانماندا بچینەوە و پێ بە هەڵە و كەموكوڕیەكانی خۆمان بنێین و هەوڵی ڕاستكردنەوەشیان بدەین،نەك هەر سووربین لەسەر هەڵەكانمان لە تێڕاونینی بابەتەكە و خوێندنەوە و هەڵسەنگاندنی هاوكێشەی هێزەكان و هاوسەنگی دونیا و ناوچەكەش لەنێوان زلهێزە دونیایی و هەرێمیەكاندا و بەهەمان شێوەش  هەڵسەنگاندنێكی ڕاست و دروستیش بكەین بۆ دۆخی سیاسی و ئابوری و ئەمنی و كۆمەڵایەتی ناوخۆی نێوماڵی كورد خۆشمان.

مەسەلە و پرسی سەربەخۆیی و دامەزراندنی دەوڵەتی كوردی پڕۆسە و ئامانجێكە كە هیچ تاكێكی كورد لە بیری ناكات و هەمیشە خەونێكی زیندووە لە بیر و هزر و كردەوە و گوتاری تەواوی كورد زمانەكاندا،بۆیە هیچ كات ترسی لەبیركردنی ئەو پرسە گرنگە ناكرێت ،هەربۆیەش پەلەكردن و دەستبردن بۆی جارێكی دی بەبێ‌ ئامادەسازی تەواوەتی هیچ پێوست نیە و دەكرێت خەباتی ڕاستوڕەوان و پشوودرێژی شۆڕشگێڕانەی كوردایەتی درێژە و بەردەوامی پێبدەین بۆ وەدەستهێنانی ئەو ئامانجە زۆر پیرۆزەمان لە دۆخێكی گونجاو و لەبارتردا كە هەموو هۆكارە ناوخۆیی و دەرەكیەكان پشتیوان بن نەك دژ.

لەئێستادا و دوای 2 ساڵ تێپەڕبوون بەسەر ئەو نسكۆ كاتیەدا،هەق وایە سەركردایەتی سیاسی كورد و تەواوی حیزبە سیاسیەكان و دامودەزگا و ئۆرگانە شەرعیەكانی حكومەتی هەرێم لەسەرۆكایەتی هەرێم و پەڕلەمان و حكومەتی كابینەی نوێ‌،هەوڵی جدی بدەن بۆ چێكردنی پڕۆسەیەكی ئاشتەوایی ناوخۆیی لەكوردستان و یەكخستنی هەوڵ و گوتار و كردارەكان لەبەرامبەر ئەم دۆخە نوێیەی كە لەپێشماندایە، لەهەڵبژاردنی ئەنجومەنی پارێزگاكان لە عێراقدا لە 1 نیسانی 2020 و چێكردنی پڕۆسەی سەرژمێری گشتی لە مانگی تشرینی یەكەمی ساڵی ئایندەدا،كە بۆ كورد هەردوو پڕۆسەكە گەلێك گرنگ و ژیارین و ناكرێت پشتگویێ‌ بخرێن و بەخەمساردیەوە لێیان بڕوانرێت بەهۆی هەندێك كێشە و ململانێی ناڕەوای سیاسیەوە  وناوچە دابڕێنراوەكانی كوردستان و مادەی 140ی دەستور بكرێنە قۆچی قوربانی حەز و ویستە حیزبیە تەسك و بچوكەكان.

دواتریش هەقە ئەم هێز و توانا یەك و یەكگرتوەی كورد و هەرێمی كوردستان بە ئاڕاستەی بەغداد هەنگاو بنێت و بەهێزەوە بچێتە سەر مێزی گفتوگۆكان و ڕاست و دروستی كێشە كەڵەكەبوە سیاسی و ئابوری و ئەمنی و جوگرافی و ..هتد،لەگەڵ دەسەڵاتدارانی ناوەند لە بەغداد گەنگەشە بكات بۆ گەیشتن بەڕێكەوتنێكی كۆنكرێتی لە پێناو وەدەستخستنی مافە ڕەواكانی گەلەكەماندا.چونكە ناكرێت میلەتەكەمان هەمیشە لە دڵەڕاوكێ‌ و ترس و تۆقاندندا بژێت و هەست بە ئارامی و خۆشگوزەرانی نەكات و وڵاتیش هێواش هێواش بەرەو دواوە بگەڕێتەوە بەهۆی عینادی و غروری سیاسی سەركردەكانەوە،میلەتكەمان ناتوانێت تاسەر بەرگەی برسێتی و نەبونی مووچەو وێران و كاولبوونی زیاتری وڵات بگرێت،بۆیە ڕاستترین سیاسەت و بیركردنەوە و پلان لەم قۆناغەدا گەیشتنە بەڕێكەوتن لەگەڵ بەغدادا و گەیشتنە بەڕێكەوتن لەسەرهەموو مەسەلەكانی هێزی پێشمەرگە و بودجە و ناردنی مووچە و مەلەفی نەوت و ئەمنی و  ئەوانی تریش.

پێویست دەكات بەغداد و هەولێر ببنە تەواوكەری یەكتری نەك دژو ناحەز،چونكە بە تەبایی و لێكتێگەیشتن دەتوانرێت زۆر ئامانج و خواست و مافەكان وەدەستبێنین نەك بە جەنگ و توندوتیژی ، بەتایبەتیش كە لەم قۆناغەدا ناوچەكە  بەعێراق و كوردستانیشەوە ڕووبەڕووی ململانێ و ئاڵنگاری زۆر مەترسیدار دەبنەوە لەنێوان وڵاتانی ناوچەكە و ئەمریكا لەلایەك دژ بە ئێران و هاوپەیمانەكانیلەلایەكی ترەوە،كە بەداخەوە عێراق و كوردستانیش بیانەوێت یان نا بونەتە بەشێك یان ڕاستتر بونەتە گۆڕەپانی سەرەكی یەكلاكردنەوەی ئەو ململانێیانە، بۆیە تەنها بە یەك و یەكگرتوویی هەولێر و بەغداد دەتوانرێت هەڵوێستێكی هاوسەنگانە بگیرێتە بەر و هەموان لەشەڕ و ماڵوێرانی و پڕیشكی ئەو ئاگرەی كەلەبەردەم قاپی عێراق و كوردستاندایە بپارێزێت .

PUKmedia  نەوزادی موهەندیس

 

وێنە هەواڵ
  • image04
  • پێشمه‌رگه‌ی دێرین ئه‌حمه‌د زاگه‌ كۆچی دوایی كرد

  • image04
  • هەڵواسینی وێنەی هونەرمەندی خوالێخۆشبوو ( ئاسۆ عومەر سوارە) لەچایخانەی شەعب

  • image04
  • هه‌مواری په‌یڕه‌وی ناوخۆی یه‌كێتی به‌رده‌وامه‌

  • image04
  • كۆبوونەوەی ئەنجومەنی باڵای سیاسی و بەرژەوەندی یەكێتیی نیشتمانیی كوردستان

  • image04
  • یه‌كه‌مین كۆبوونه‌وه‌ی ئه‌نجومه‌نی گشتی سه‌ركردایه‌تی یه‌كێتی

  • image04
  • به‌فر هه‌رێمی كوردستان سپی پۆش ده‌كات

  • image04
  • ریاڵ مه‌درید نازناوی جامی سوپه‌ری یانه‌كانی ئیسپانیای به‌ده‌ستهێنا

  • image04
  • بووكێك خه‌رجی هاوسه‌رگیرییه‌كه‌ی خۆی ده‌به‌خشێته‌ نه‌خۆشخانه‌ی هیوا


                                           

زانیاری لەبارەی ئەو یەختەی ژمارەیەك كورد تیێدا گیانیان لەدەستدا


دوای ئەوەی یە‌ختێك كە 53 كۆچەری هەڵگرتبوو، بەنیازبوو بگاتە كەنارەكانی نزیك ئیتالیا، لەنزیك دورگە‌ی پاكسوس لەنێوان سنووری ئاوی یۆنان و ئیتالیا ...


  كوردانی فەرەنسا ئاهەنگێكی هونەری سازدەكەن
  لەئەڵمانیا پرسە بۆ هونەرمەند ئاسۆ عومەر سوارە دادەنرێت
                                           

44 ساڵ لەمەوبەر کتێبخانەیەک سلێمانی روناککردەوە


44 ساڵ لەمەوپێش كتێبخانەیەك بوە روناككەرەوەی شاری سلێمانی، پرشنگی رەنگاوڕەنگی بەهەموو لایەكی شاردا نەخشاند و پەیامی زانست و رۆشنبیری پێبوو، ئەویش كتێبخانەی پەیامە، ئەم كتێبخانەیە دەكەوێتە...


  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
  عومەر شێخ موس: سەركردایەتیی كورد لەسیاسەت تێ نەگەیشتووە
                                           

دهۆک 24 حاڵەتی ئەنفلۆنزای بەرازی تۆمارکردوە

حاڵەتەکانی توشبون بە ئەنفلۆنزای بەراز لە شاری دهۆک گەیشتوەتە ٢٤ کەس و لەبارەی ڤایرۆسەکەشەوە رێکخراوی تەندروستی جیهانی رایدەگەیەنێت به‌ گشتی چاره‌سه‌ری ڤایرۆسه‌...


  كەرتی گەشتوگوزاری هەرێم پێشدەكەوێت
  نانی تیری بۆ ئه‌وروپا هه‌نارده‌ ده‌كرێت


کاریکاتێر