هەفتەی پارستنی كەش و هەوا

هەفتەی پارستنی كەش و هەوا


21/9/2019 14:26:00
چاپ کردن
بە وێنەوە    بە بێ وێنە
           
.

لە 20 تاوەكو 27 ی مانگ هەڵمەتێكی جیهانی پاراستنی كەش و هەوا لە سەرتاسەری جیهان بەڕێوە دەچێت، هەر بۆ ئەو مەبەستە  لە رۆژانی (23، 24، 25)ی ئەیلول لە بارەگای نەتەوە یەكگرتوەكان چەندین چالاكی لە شێوازی كۆنفرانس و كۆڕ و سیمینار بەڕێوەدەچێت.

 ئەو چالاكیانە لە ژێر رۆشنایی بەرنامەی پۆست (2015)ی نەتەوە یەكگرتوەكان دەبێت كە بریتیە لە (17)خاڵ، خاڵی (13)تایبەتە بە پاراستنی كەش و هەوا، ئەو چالاكیانەی ئەمساڵ دەكرێت زۆر جیاوازترن لە ساڵانی پێشو، ئەمساڵ هەڵمەتەكە بەرفراوانتر دەبێت، نەك هەر لە ئەروەقەكانی نەتەوە یەكگرتوەكان بەڵكو ناو خوێندنگاكان و  بەردەم رێكخراوە جیهانیەكان و گۆڕەپانەكانیش دەگرێتەوە، ئەوەتا بڕیار وایە ژمارەیەكی ئێجگار زۆر خوێندكار لە برۆكسلی پایتەختی بەلجیكا و  بەردەم بارەگای یەكێتی ئەوروپا و ئاڵمانیا مان بگرن، پەروەردە نێودەوڵەتیش (Education International) كە رێكخراوێكی سەرتاسەری جیهانی مامۆستایانە، ئەو هەڵمەتە حەوت رۆژییەی پەسند كردووە و داوا لە هەموو مامۆستایان و خوێندكاران دەكات بە گەرمو گوڕیەوە بەشداری تێدا بكەن و دژی ئەو پێشێلكاریانە بوەستنەوە كە حكومەت و كۆمپانیا زەبەلاحەكان دژی  كەش و هەوا ئەنجامی دەدەن، لە چەند رۆژی رابردوودا دوو روداوی گەورە رویاندا كە بەراستی بوونە مەترسی زیاتر لەسەر پیس بوونی ئاوو هەوا، هەردووكیشان هەر بەدستی ئەنقەست بوون، یەكەمیان سوتاندنی دارستانەكانی ئەمازۆن بوو كە بە سیەكانی جیهان ناسراون، لەبەر ئەوەی 20% ئۆكسجینی پێویستی مرۆڤایەتی بەرهەم دەهێنن، دووەمیشیان سوتاندنی دارستانەكانی دوورگەكانی جاوە و سۆمترەی ئەندەنوسیا بوو، وێڕای پیس بوونی ژینگە و داپۆشینی بەشێك لە ئاسمانی ئەندەنوسیا و مالیزیا بووە هۆكاری ئەوەی لە مالیزیا (1500) قوتابخانە دابخرێت.

هەروەها لە ئەندەنوسیا (1850) قوتابخانە كە زیاتر لە (3)ملیۆن خوێندكار لە خوێندن بێ بەشبن، راستیەكەی بە هۆی لاساری حكومەت و كۆمپانیاكان مەترسی ئەوە هەیە ئەو كردەوانە بەردەوام بن و مەترسی گەورەتر لەسەر ژیانی مرۆڤایەتی دروست بێت. بۆیە ئەوهەڵمەتە ئەمساڵ بە گەرموگوڕیەوە بەڕێوەدەچێت، دڵنیام هەرێمی كوردستانیش لەو مەترسیە بە دوور نیە، لەبەر ئاڵۆزی زیاتری دەڤەرەكە،  لەبەر ئەوەی وێڕای مەترسی كۆمپانیەكان، حكومەتەكانیش هەڕەشەی راستین لەسەر كەش و هەوا، رۆژانە ئاگر و ئاسن دەبارێنن، خەریكە هێچ بستێك خاك لە هەرێم و لە دەڤەرەكەش نەمێنێت بەر بۆمب و هاوەن نەكەوێت ،ئەوەی بەعس پێی نەكرابێت ئێستا دوژمنەكانمان دەیكەن، بۆیە هەقە لە كوردستانیش ئەو هەڵمەتە بۆ پاراستنی كەش و هەوا بكرێت و بە دەم ئەو بانگەوازە جیهانیەوە بچین و كۆمەڵێك چالاكی ئەنجام بدرێت، لەوانە:


1- پاڵپشتی ئەو رێپێوان مانگرتنانە بكرێت كە بڕیار وایە لەبەر دەم بارەگای نەتەوە یەكگرتوەكان و یەكێتی ئەوروپا و گۆڕەپانە گشتیەكان  لەم هەفتەیە بەڕێوەبچێت.


2- زۆر گرنگە مامۆستا بەڕێزەكان بەشێك لە وانەكانیان تەرخان بكەن بۆ رونكردنەوەی گرنگی پاراستنی كەشوهەوا، چونكە ئەوە بەرپرسیاریەتی هەموو تاكێكە و هەر یەكە و لە شوێنی خۆی دەتوانێ شتێك بكات بە تایبەت مامۆستایان.


3- هەوڵبدرێت لەوبارەیەوە سمینار و كۆڕ ببەسترێت و شارازاییش بگۆڕدرێتەوە لەمەڕ چۆنیەتی بەرگرتن لە خراب بوونی كەشوهەوا.


4- ئەگەر قوتابیان چالاكیان بۆ ئەو مەبەستە رێكخست، نابێت كەس رێیان لێبگرن یان سزا بدرێن ، چونكە ئەوە بابەتێكی ژیاریە، دەبێت هاوكاریشیان لە لایەن مامۆستایانەوە لێبكرێت.


5- دەبێت حكومەتی هەرێمیش رۆڵی خۆی بگێڕێت و وابكات هەردوو وەزارەتی پەرەروەردە و خوێندنی باڵا وانەی تایبەت، بە پاراستنی  كەش و هەوا بخەنە ناو بەرنامەكانی خوێندنەوە هەروەها رۆشنبیریش بۆ ئەو بوارە گرنگە پەیرە و بكەن.


6- وەزارەتی ئەوقاف و كاروباری ئایینیش دەبێت بەشێك لە وتاری گشتی و وتارە ئایینیەكان بۆ ئەو بابەتە تەرخان بكەن.


  بۆ ئەو مەبەستە داواكارم لە هەموو مامۆستایان و رێكخراوەكانی كۆمەڵگەی مەدەنی خوێندكارن و قوتابیان، ئەم هەفتەیە بكەنە هەفتەی هەڵمەتی پاراستنی كەش و هەوا، بە دڵنیاییەوە هەر كەسێك لەو بارەیەوە رۆڵی هەبێت، بەركەوتی چاكەی خۆی بۆ بەرجەستەكردنی ژیانێكی باشتر و ئاییندەیەكی ئاسودەتر دەبێت.


PUKmedia  عەبدولواحید محەمەد

وێنە هەواڵ
  • image04
  • پێشمه‌رگه‌ی دێرین ئه‌حمه‌د زاگه‌ كۆچی دوایی كرد

  • image04
  • هەڵواسینی وێنەی هونەرمەندی خوالێخۆشبوو ( ئاسۆ عومەر سوارە) لەچایخانەی شەعب

  • image04
  • هه‌مواری په‌یڕه‌وی ناوخۆی یه‌كێتی به‌رده‌وامه‌

  • image04
  • كۆبوونەوەی ئەنجومەنی باڵای سیاسی و بەرژەوەندی یەكێتیی نیشتمانیی كوردستان

  • image04
  • یه‌كه‌مین كۆبوونه‌وه‌ی ئه‌نجومه‌نی گشتی سه‌ركردایه‌تی یه‌كێتی

  • image04
  • به‌فر هه‌رێمی كوردستان سپی پۆش ده‌كات

  • image04
  • ریاڵ مه‌درید نازناوی جامی سوپه‌ری یانه‌كانی ئیسپانیای به‌ده‌ستهێنا

  • image04
  • بووكێك خه‌رجی هاوسه‌رگیرییه‌كه‌ی خۆی ده‌به‌خشێته‌ نه‌خۆشخانه‌ی هیوا


                                           

زانیاری لەبارەی ئەو یەختەی ژمارەیەك كورد تیێدا گیانیان لەدەستدا


دوای ئەوەی یە‌ختێك كە 53 كۆچەری هەڵگرتبوو، بەنیازبوو بگاتە كەنارەكانی نزیك ئیتالیا، لەنزیك دورگە‌ی پاكسوس لەنێوان سنووری ئاوی یۆنان و ئیتالیا ...


  كوردانی فەرەنسا ئاهەنگێكی هونەری سازدەكەن
  لەئەڵمانیا پرسە بۆ هونەرمەند ئاسۆ عومەر سوارە دادەنرێت
                                           

44 ساڵ لەمەوبەر کتێبخانەیەک سلێمانی روناککردەوە


44 ساڵ لەمەوپێش كتێبخانەیەك بوە روناككەرەوەی شاری سلێمانی، پرشنگی رەنگاوڕەنگی بەهەموو لایەكی شاردا نەخشاند و پەیامی زانست و رۆشنبیری پێبوو، ئەویش كتێبخانەی پەیامە، ئەم كتێبخانەیە دەكەوێتە...


  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
  عومەر شێخ موس: سەركردایەتیی كورد لەسیاسەت تێ نەگەیشتووە
                                           

دهۆک 24 حاڵەتی ئەنفلۆنزای بەرازی تۆمارکردوە

حاڵەتەکانی توشبون بە ئەنفلۆنزای بەراز لە شاری دهۆک گەیشتوەتە ٢٤ کەس و لەبارەی ڤایرۆسەکەشەوە رێکخراوی تەندروستی جیهانی رایدەگەیەنێت به‌ گشتی چاره‌سه‌ری ڤایرۆسه‌...


  كەرتی گەشتوگوزاری هەرێم پێشدەكەوێت
  نانی تیری بۆ ئه‌وروپا هه‌نارده‌ ده‌كرێت


کاریکاتێر