زه‌ین عابدین سه‌رۆكی پێشووتری تونس كۆچی دوایی كرد

.

راگه‌یاندنه‌كانی وڵاتی تونس هه‌واڵی كۆچی دوایی زه‌ین عابدین بن عه‌لی، سه‌رۆكی پێشووتری ئه‌و وڵاته‌یان له‌ سعودیه‌ بڵاوكرده‌وه‌ .

كه‌ناڵه‌ راگه‌یاندنه‌كانی تونس رایانگه‌یاند: ئه‌مڕۆ 19-9-2019، زه‌ین عابدین بن عه‌لی، سه‌رۆكی پێشووتری تونس، له‌ سعودیه‌ كۆچی دوایی كرد.

 زه‌ین عابدین بن عه‌لی له‌ ساڵی 1936 له‌ دایك بووه‌و له‌ ساڵی 1987 تا ساڵی 2011 له‌ پۆستی سه‌رۆكایه‌تی تونسدا بوو، كه‌ دووه‌م سه‌رۆكی ئه‌و وڵاته‌ بوو، له‌ دوای راگه‌یاندنی سه‌ربه‌خۆیی ئه‌و وڵاته‌ له‌ ساڵی 1956 دا .

زه‌ین عابدین له‌ ساڵی 2011 دا، یه‌كه‌م سه‌رۆك بوو كه‌ له‌ به‌هاری عه‌ره‌بیدا ده‌سه‌ڵاتی به‌جێهێشت و هه‌ڵات بۆ سعویه‌.

PUKmedia ئاژانسه‌كان