هاتوچۆی سلێمانی شۆفێری بارهەڵگرەکان ئاگاداردەکاتەوە

.

هاتوچۆی سلێمانی ئاگاداری دەداتە شۆفێرانی بارهەڵگر کە جگە لە رۆژانی هەینی و پشووەکان ناتوانن لە سەعات ٧ و ٣٠ دەقیقەی بەیانی هەتا سەعات ٨ و ٣٠دەقیقە بە شەقامی بازنەیی مەلیک مەحمود و سەنتەری شاردا بڕۆن.

بەڕێوەبەرایەتی هاتوچۆی سلێمانی لە ئاگادارینامەیەکدا کە کۆپییەکی دەست PUKmedia کەوتوە، رایگەیاندوە: ئاگاداری شۆفێری ئۆتۆمبێلی بارهەڵگری قەبارەی چوار تەن بەرەو سەرەوەیان دەکەین کەلە ڕۆژی شەممەوە واتە 21/9/2019 لە سەعات ٧:٣٠ بۆ ٨:٣٠ ی بەیانی هاتنە ناوەوە بۆ شەقامی بازنەیی مەلیک محمود و سەنتەری شار قەدەغەیە، جگە لە ڕۆژانی هەینی و پشووە فەرمییەکان.

دەرکردنی ئەم بڕیارە لە لایەن هاتووچۆی سلێمانییەوە لە پێناو بەرژەوەندی گشتیدایە بە هۆی دەستپێکردنی وەرزی خوێندن و سەلامەتی گیانی هاوڵاتییان و نەهێشتنی دروست بوونی لۆدی زۆر لەو کاتەی کە دیاریکراوە.

PUKmedia تایبەت