دیاله‌ .. پۆلیسێك كوژرا

.

به‌یانی ئه‌مڕۆ له‌ناحیه‌ی ئه‌بی سه‌یدا له‌لایه‌ن كه‌سانی نه‌ناسراوه‌وه‌ پۆلیسێك كوژرا.

فازل مه‌حمود چالاكوان له‌ سنوری دیاله‌ بۆ PUKmedia ووتی: له‌لایه‌ن ژماره‌یه‌ك چه‌كداری نه‌ناسراوه‌وه‌ ده‌ستڕێژی گوللــه‌ له‌ كارمه‌ندێكی هێزه‌كانی پۆلیسی ناحیه‌ی ئه‌بی سه‌یدا كراوه‌.

وتیشی: ئه‌و پۆلیسه‌ ناوی سه‌لام عوبێدی بووه‌و ده‌ست به‌جێ به‌هۆی سه‌ختی برینه‌كه‌یه‌وه‌ گیانی له‌ده‌ستداوه‌.

ئاماژه‌ی به‌وه‌شدا: چه‌كداره‌كان دوای په‌لاماره‌كه‌ به‌شێوه‌یه‌كی خێرا شوێنه‌كه‌یان جێهێشتوه‌و پۆلیسش ده‌ستی به‌لێكۆڵینه‌وه‌ كردوه‌، له‌وباره‌یه‌وه‌.

PUKmedia سامان یاروه‌یس