سه‌رۆك كۆمار: پێویسته‌ ھه‌وڵه‌كان یه‌كبخرێن

.

له‌ چوارچێوه‌ی سه‌ردانه‌كه‌ی بۆ شاری ھه‌ولێر سه‌رۆك كۆمار د . به‌رھه‌م ساڵح به‌ جیا له‌گه‌ڵ گه‌وره‌ به‌رپرسانی ھه‌رێمی كوردستان كۆبووه‌وه‌، سه‌باره‌ت به‌ پێشھات و گۆرانكارییه‌ سیاسی و ئه‌منییه‌كانی كوردستان و عێراق و ناوچه‌كه‌ گفتوگۆكرا، ھاوكات باس له‌پرسه‌ گرنگه‌كانی نێوان ھه‌ردوو حكومه‌تی فیدراڵ و حكومه‌تی ھه‌رێمی كوردستان كراو جه‌خت له‌وه‌ كرایه‌وه‌ كه‌ پێویسته‌ سه‌رجه‌م كێشه‌ ھه‌ڵپه‌سێردراوه‌كان له‌ رێگای دیاڵۆگ و گفتوگۆ و له‌سه‌ر بنه‌مای ده‌ستوور و یاسا چاره‌سه‌ر بكرێت، به‌تایبه‌تی پرسی بودجه‌ی گشتی ساڵی داھاتوو به‌جۆرێك له‌ به‌رژه‌وه‌ندی خه‌ڵك بشكێته‌وه‌.

ھه‌ر له‌كۆبوونه‌وه‌كانی نێوان سه‌رۆك به‌رھه‌م و به‌رپرسانی ھه‌رێم دا دووپاتكرایه‌وه‌ كه‌ پێویسته‌ ھه‌وڵه‌كان یه‌كبخرێت به‌ ئاڕاسته‌ی یه‌كڕیزی نیشتمانی و یه‌كخستنی دید و بۆچوونی لایه‌نه‌ سیاسییه‌كان سه‌باره‌ت به‌ پرسه‌ گرنگه‌كان و ریشه‌كێشكردنی تیرۆر به‌یه‌كجاری.

PUKmedia راگه‌یاندنی سه‌رۆكایه‌تی كۆمار

لینكی بینینی ڤیدیۆكه‌...