وه‌زیری پێشمه‌رگه و كونسوڵی گشتیی كۆماری میللی چین كۆدەبنەوە

.

ئه‌مڕۆ 17ی ئه‌یلولی 2019 شۆڕش ئیسماعیل، وه‌زیری پێشمه‌رگه‌ی حكومه‌تی هه‌رێمی كوردستان، له‌گه‌ڵ نیی رۆتشی، كونسوڵی گشتیی كۆماری میللی چین كۆبۆوه‌.

له‌ده‌ستپێكی كۆبوونه‌وه‌كه‌دا، وه‌زیری پێشمه‌رگه‌ رایگه‌یاند: په‌یوه‌ندی نێوان گه‌لی كورد و گه‌لی چین مێژووێكی درێژی هه‌یه‌ و هه‌ردوولا خاوه‌ن كه‌لتوور و مێژووێكی قوڵ و هاوبه‌شن.

وتیشی: ئێستا وڵاته‌كه‌مان له‌قۆناغی بونیادنان و فراوانكردنی بازنه‌ی په‌یوه‌ندیه‌ ئابووری و كولتوری و فه‌رهه‌نگیه‌كانێتی له‌گه‌ڵ ووڵاتانی دونیا، ئه‌زمونی باشوری رۆژهه‌ڵاتی ئاسیا به‌تایبه‌ت كۆماری میللی چین، كه‌ پێشكه‌وتنی گه‌وره‌ی به‌ده‌ستهێناوه‌ بۆ ئێمه‌ گرنگه‌.

وتشی:كونسوڵی نوێی چین رایگه‌یاند: زۆر دڵخۆشم و شانازییه‌كی گه‌وره‌یه‌ بۆ من كه‌ له‌كوردستان كارده‌كه‌م، چونكه‌ لێره‌وه‌ له‌رێگه‌ی  خه‌بات و تێكۆشانی قاره‌مانانه‌ی پێشمه‌رگه‌وه‌ ئاشتی و ئارامی ناوچه‌كه‌ و مرۆڤایه‌تی به‌گشتیی پارێزراوه‌. وتیشی: ئێمه‌ هه‌موو ئاماده‌یه‌كمان هه‌یه‌ له‌فراوانكردنی بازنه‌ی په‌یوه‌ندییه‌كانمان له‌گه‌ڵ هه‌رێمی كوردستان، ئاڵوگۆركردنی شاره‌زایی له‌بواره‌ جیاوازه‌كاندا.

له‌كۆتایی دیداره‌كه‌دا،  كونسوڵی گشتیی كۆماری میللی چین، رایگه‌یاند: ئێستای زۆربه‌ی ووڵاتانی دونیا له‌رووی هه‌ڵكشانی ئابووری و بازرگانی روویان له‌چینه‌، چونكه‌ كۆماری چین ئاراسته‌ی پێشكه‌وتنی گرتۆته‌به‌ر و وڵاتانیش ده‌یانه‌وێت هه‌ماهه‌نگ بن.

وتیشی: هه‌نگاو به‌هه‌نگاو هه‌وڵه‌كانمان چڕ ده‌كه‌ینه‌وه‌ تا په‌یوه‌ندییه‌كانمان له‌بواره‌ جیاوازه‌كاندا له‌گه‌ڵ هه‌رێمی كوردستان فراونتر بكه‌ین.

PUKmedia  راگەیاندنی وەزارەتی پێشمەرگە