پێستێكی ته‌ندروستت ده‌وێت؟ ئه‌م خواردنانه‌ سنوردار بكه‌

.

هه‌میشه‌ به‌پێی لێكۆڵینه‌وه‌ جۆراوجۆره‌ زانستیه‌كان، خۆراك كاریگه‌ریه‌كی گه‌وره‌و گرنگی له‌سه‌ر پێست و دره‌وشانه‌وه‌ یان ره‌شداگه‌ڕاوی و ده‌ركه‌وتنی نه‌خۆشیه‌كانی ده‌بێت.

ئه‌وه‌ته‌ نوێترین لێكۆڵینه‌وه‌ ئاماژه‌ی روونی به‌و هۆكاره‌ كردوه‌و داوا ده‌كات، له‌خواردنی ئه‌م جۆره‌ خۆراكانه‌ ژیانی خۆتان سنوردار بكه‌ن و هه‌وڵبده‌ن به‌و شێوه‌یه‌ ببنه‌ خاوه‌ن پێستێكی گه‌شاوه‌و ته‌ندروست.

- خواردنی فاست فووت" خواردنه‌ خێراكان" 

ئه‌و خواردنانه‌ی كه‌له‌بازاڕو سه‌ر شه‌قام و رێستۆرانته‌كاندا  ئاماده‌ ده‌كرێن، ده‌بێت سنوردار بكرێن و هه‌ندێ جار ئه‌گه‌ر بێتوو خواردنێكی ته‌ندروست و باش له‌ماڵه‌وه‌ ئاماده‌ كرا ئه‌وه‌ ناچار نیت په‌نا بۆ ئه‌و خۆراكانه‌ به‌ریت، به‌ڵكو باشترین رێكار خواردنی ماڵه‌وه‌یه‌، هه‌ربۆیه‌ ساندویچ و پاستاو خۆراكه‌ سوره‌وكراوه‌كان، چیپس و ماكرۆنی و گه‌نمه‌ شامی و به‌تایبه‌ت ئه‌وانه‌ی كه‌ خوێ و شه‌كریان زۆره‌ كاریگه‌ری زۆر خراپیان له‌سه‌ر پێست هه‌یه‌.

- سارده‌مه‌نیه‌كان 

خواردنی ئه‌و سارده‌مه‌نی و خواردنانه‌ی كه‌ مادده‌ی جۆراوجۆر دروست ده‌كرێن به‌تایبه‌ت ئه‌وانه‌ی كه‌ به‌ ئاوی میوه‌و خواردنه‌وه‌ وزه‌ به‌خشه‌كان و ئه‌وانه‌ی كه‌ گازین و به‌تایبت ئه‌وانه‌ی كه‌مادده‌ی ره‌نگیان تێكه‌ڵ ده‌كرێت كاریگه‌ری زۆر خراپیان له‌سه‌ر گورچیله‌ ده‌بێت ئه‌مه‌ش دوای ئۆرگانه‌كانی ژێره‌وه‌ی گورچیله‌ هه‌ڵده‌سن به‌ پاڵاوتنی مادده‌ی ره‌نگی و كیمیایی  ئه‌و جۆره‌ خواردنانه‌، هه‌ر ئه‌وه‌ش واده‌كات زیانی گه‌وره‌ به‌ ته‌ندروستی مرۆڤ بگه‌یه‌نێت. 

سنوردار كردنی شه‌كری ئه‌و خواردناوانه‌ كاریگه‌ری زۆر باشی له‌سه‌ر جه‌سته‌ی مرۆڤ به‌تایبه‌ت پێست ده‌بێت.

-  كه‌مكردنه‌وه‌ی شیره‌مه‌نیه‌كان 

كه‌مكردنه‌وه‌ی خواردنی شیره‌ مه‌نیه‌كان و زیاتر خواردنی مادده‌ رووه‌كیه‌كان له‌بری ئه‌وانه‌ زۆر كاریگه‌رن بۆ گه‌شانه‌وه‌و دوور كه‌وتنه‌وه‌ی پێست له‌نه‌خۆشی.

- ئه‌و خواردنانه‌ی كلوكوزێكی به‌رزیان هه‌یه‌ 

ئه‌و خواردنانه‌ی كه‌ رێژه‌یه‌كی به‌رچاو كلوكۆزێكی به‌رزیان هه‌یه‌ زۆر زیانبه‌خشن بۆ پێست، وه‌پێویسته‌ خواردنیان سنور دار بكرێت، وه‌ك شیرینی، پاستا، شه‌كری ساده‌، میوه‌ شیرینه‌كان، برنجی سپی، ئاو میوه‌ی سروشتی، سوسی ئاماده‌و چه‌ند جۆرێكی تر.

خواردنی ئاوی ره‌وان و پاك و خاوێن 

خواردنی ئه‌و ئه‌وانه‌ی كه‌ به‌ده‌پاڵێورێن و به‌پاكی و به‌بێ بوونی میكرۆبه‌ زیانبه‌خشه‌كان  هۆكارێكی گه‌وره‌ن بۆ بوونی پێستێكی ته‌ندروست و پێویسته‌ رۆژانه‌ به‌به‌رده‌وامی ئاو بخۆیت بۆ ئه‌وه‌ی پێستت هه‌میشه‌ پاك و خاوێن و ته‌ندروست بێت.

PUKmedia  داڕشتنه‌وه‌ی " سامان یاروه‌یس"