ئه‌ردۆگان پرسی پاتریۆت له‌گه‌ڵ تره‌مپ تاوتوێده‌كات

.

سه‌رۆك كۆماری توركیا رایگه‌یاند: له‌ سه‌ردانه‌كه‌مدا بۆ ئه‌مریكا پرسی سوریا و كڕینی سیستمی به‌رگریی موشه‌كی پاتریۆت له‌گه‌ڵ دۆناڵد تره‌مپ سه‌رۆكی ئه‌مریكا تاووتوێ‌ ده‌كه‌م.

له‌ كۆنگره‌یه‌كی رۆژنامه‌نووسیدا له‌ ئه‌نكه‌ره‌ی پایته‌خت ره‌جه‌ب ته‌یب ئه‌ردۆگان سه‌رۆك كۆماری توركیا رایگه‌یاند: ئه‌و په‌یوه‌ندییه‌ كه‌سییه‌ی له‌گه‌ڵ تره‌مپدا هه‌یه‌تی ره‌نگه‌ یارمه‌تیده‌ر بێت بۆ تێپه‌ڕاندنی ئه‌و قه‌یرانه‌ی له‌ ده‌ره‌نجامی گرێبه‌ستی كڕینی سیستمی به‌رگریی موشه‌كی S-400 ی روسی له‌نێوان هه‌ردوو وڵاتدا سه‌ریهه‌ڵداوه‌.

وتیشی: له‌ سه‌ردانه‌كه‌مدا بۆ ئه‌مریكا داوا له‌ تره‌مپ ده‌كه‌م رێگه‌ نه‌دات وه‌زاره‌تی گه‌نجینه‌ی ئه‌مریكا سزا به‌سه‌ر (هاڵك بانك) دا بسه‌پێنێت ،به‌تۆمه‌تی پێشێلكردنی سزاكانی سه‌ر ئێران، ئه‌ردۆگان له‌ وه‌ڵامدا وتی: به‌دڵنیاییه‌وه‌ ده‌توانن له‌سه‌ر ئه‌و پرسه‌ له‌گه‌ڵ ئه‌مریكا بگه‌نه‌ رێككه‌وتن.

PUKmedia ئاژانسه‌كان