سەرۆك كۆماری عیراق پرسەنامەیەكی پێدەگات

.

سەرۆك كۆماری عیراق بەبۆنەی رووداوەكەی شاری كەربەلاوە، پرسەنامەیەكی لە سەرۆك كۆماری چین-ەوە پێگەیشت.

د. بەرھەم ساڵح سەرۆك كۆماری عیراق، ئەمڕۆ ھەینی 13-9-2019، بروسكەیەكەی سەرەخۆشی لە سەرۆك كۆماری چینی میللی شین چینپینگ پێگەیشت بەبۆنەی رووداوەكەی شاری كەربەلاوە، كە ئەمە دەقەكەیەتی:

دكتۆر بەرھەم ساڵح
سەرۆك كۆماری عیراق

بەڕێز جەنابی سەرۆك:
بەوپەڕی دڵگرانیەوە ھەواڵی كارەساتی رووداوی پاڵەپەستۆی زیارەتكارانی شاری كەربەلام پێگەیشت لە وڵاتەكەتان، كە زیانێكی گیانی گەورەی لێكەوتەوە، بەناوی خۆم و حكومەت و گەلی چینەوە، بەبۆنەی ئەو رووداوە دڵتەزێنەوە، پرسە و سەرەخۆشی لە قوربانیانی  ئەو رووداوە دەكەم، لەگەڵ ھیوای چاك بوونەوەی خێرا بۆ برینداران دەخوازم.
 
شین چینپینگ
سەرۆك كۆماری چینی میللی

PUKmedia نووسینگەی رۆژنامەوانی سەرۆكایەتی كۆمار