وەفدێكی ئەنجومەنی وەزیران سەردانی بەغدا دەكات

.

وەفدێكی یاسایی تەكنیكی ئەنجومەنی وەزیرانی هەرێم بۆ بەردەوامیدان بە گفتوگۆكانی ھەێم و بەغدا لەسەر پرسی بودجە و نەوت سەردانی بەغدا دەكات.

لەوبارەیەوە ئەمڕۆ هەینی 13-9-2019، سەرچاوەیەك لە ئەنجومەنی وەزیرانی هەرێم بە PUKmedia ی راگەیاند: هەفتەی داهاتوو وەفدێكی یاسایی تەكنیكی ئەنجومەنی وەزیرانی هەرێم كەپێكهاتوون لە ئومێد سەباح سەرۆكی دیوانی سەرۆكایەتی ئەنجومەنی وەزیران و ئامانج رەحیم سكرتێری ئەنجومەن و چەند وەزیرێك، بۆ بەردەوامیدان بە گفتوگۆكانی ھەرێم و بەغدا لەسەر پرسی بودجە و نەوت سەردانی بەغدا دەكات.

وتیشی: لەئێستادا وەزارەتی دارایی عیراق لەسەرووبەندی رێكخستنی پرۆژە یاسای بودجەی ساڵی 2020 دایە، بۆیە پێویستە ئەم ماوەیە گفتوگۆكان چڕ بكرێنەوە بۆ بەرچاو روونی ھەردوولا.

ئەوسەرچاوەیە راشیگەیاند: تا ئێستا رۆژی سەردانی وەفدەكەی هەرێم دەستنیشان نەكراوە، بەڵام هەفتەی داهاتوو دەبێت.

PUKmedia ژینەر محەمەد