قه‌باره‌ی وه‌به‌رهێنان له‌گه‌رمیان گه‌یشتۆته‌ 620 ملیۆن دۆلار

.

ئه‌مڕۆ12ی ئه‌یلولی 201  دكتۆر محه‌مه‌د چۆلی  سه‌رۆكی ده‌سته‌ی وه‌به‌رهینان   ده‌سته‌كه‌ سه‌ردانی ئیداره‌ی گه‌رمیانیان كردو له‌گه‌ڵ سه‌ڵاح كوێخا  سه‌رپه‌رشتیاری ئیداره‌ی گه‌رمیان كۆبونه‌وه‌.

 له‌كۆبونه‌وه‌كه‌دا كه‌  یونس ئه‌حمه‌د  جێگری سه‌رپه‌رشتیاری ئیداره‌ی گه‌رمیان و  عومه‌ر شوكری به‌ڕێوه‌به‌ری وه‌به‌رهینانی گه‌رمیان ئاماده‌یبوون باس له‌بارودۆخی وه‌به‌رهینان له‌سنوره‌كه‌كرا، سه‌رۆكی ده‌سته‌ی وه‌به‌رهێنان ڕایگه‌یاند:" هاتووین تاله‌ نزیكه‌وه‌ ناوچه‌كه‌ ببینین و كێشه‌و گیروگرفته‌كانی به‌رده‌م پرۆسه‌ی وه‌به‌رهینان ده‌ستنیشان بكه‌ین،  به‌و ئامانجه‌ی له‌پلانی نوێی كاركردنماندا چاره‌سه‌ریان بكه‌ین".

 وتیشی: " به‌خۆشحاڵیه‌وه‌ گه‌رمیان ده‌رفه‌تی باشی كاركردنی تێدایه‌ و هه‌وڵده‌ده‌ین ئه‌وه‌ی كه‌نه‌كراوه‌ له‌داهاتوودا به‌ئه‌نجامی به‌گه‌یه‌نین، لای خۆشیه‌وه‌ سه‌رپه‌رشتیاری ئیداره‌ی گه‌رمیان وێرای به‌خێرهاتنیان پیرۆزبایی ده‌ست به‌كاربوونی لێكردن ، هه‌روه‌ك سوپاسی سه‌رۆكی پێشووی ده‌سته‌ی وه‌به‌رهێنانی كرد و كاره‌كانی پێشووتری ئه‌و ده‌سته‌یه‌شی به‌رزنرخاند و ئومێدی سه‌ركه‌وتنی بۆخواستن، داواشیكرد له‌پلانی نوێ ی كاركردنی ده‌سته‌كه‌یاندا ئاوڕی جدی له‌شاری كفری بدریته‌وه‌ بۆ به‌ئه‌نجام گه‌یاندنی پرۆژه‌ی وه‌به‌رهێنان بۆئه‌و مه‌به‌سته‌ش ئاماده‌یی ئیداره‌ی گه‌رمیانی ده‌ربڕی بۆهه‌ر ئاسانكارییه‌ك.

دواتر سه‌رۆكی ده‌سته‌ی وه‌به‌رهینان به‌ڵینیدا به‌دواداچوون بكات بۆ كێشه‌و گرفته‌كان و ئه‌وه‌ی له‌توانایاندابیت بۆخزمه‌تكردنی دانیشتووانی ئه‌م سنووره‌ درێغی نه‌كه‌ن.

كۆی گشتی پرۆژه‌كانی وه‌به‌رهێنان له‌گه‌رمیان 33 پرۆژه‌یه‌ له‌و ژماره‌یه‌ش 14 پرۆژه‌یان له‌ماوه‌ی كاركردندان ، قه‌باره‌ی وه‌به‌رهێنانیش له‌سنووركه‌ گه‌یشتۆته‌ 620 ملیۆن دۆلار ، به‌م پێیه‌ش گه‌رمیان له‌دوای هه‌ریه‌كێك له‌پارێزگاكانی هه‌ولێرو سلیمانی و دهۆكه‌وه‌ به‌پله‌ی چواره‌م دیت له‌سه‌ر ئاستی كوردستان .

PUKmedia فۆتۆ كاوه‌ جاسم