riklam

گرنگی كۆنگره‌

ی.ن.ک‌‌ 01:13 PM - 2019-09-12
.

.

یه‌كێك له‌خاڵه‌ هه‌ره‌ به‌هێزه‌كانی به‌ستنی كۆنگره‌ هێشتنه‌وه‌ی حیزبه‌ یان دروستكردنی گۆرانكارییه‌ له‌ دۆخێكه‌وه‌ بۆ دۆخێكی تر و باشتر له‌و دۆخه‌ چه‌قبه‌ستوه‌ی كه‌ تێیدایه‌، ئه‌مه‌ واقعی ئه‌مرۆی ( ی ن ك )ه‌، وه‌ك پێویستیه‌كی مێژووی و سیاسی هه‌رزوو ده‌بوو ئه‌و بریاره‌ی ئه‌مرۆ بدرایه‌، له‌ پێناو به‌رجه‌سته‌ كردنی یه‌ك ده‌نگی و رازی كردنی ئه‌ندامان و لایه‌نگران و خه‌ڵكی چونكه‌ ئه‌و گۆرانكاریانه‌ی كه‌ له‌ كۆنگره‌ دا به‌دی ده‌كرێت له‌ چه‌ندین ڕووه‌وه‌ كاریگه‌ری خۆی ده‌بێت وه‌ك  ناوه‌ڕۆك و گۆرینی كه‌سه‌كان و بیروبۆچون ئه‌مه‌ش له‌ حیزبه‌ سه‌ركه‌وتوو دیموكرات خوازه‌كان دا ڕه‌نگی داوه‌ته‌وه‌، بۆ ئێمه‌ ی ئه‌ندام و لایه‌نگری رێبازه‌كه‌ی مام ده‌بێت ئه‌وه‌ بزانین رێگای سه‌ركه‌وتن و خزمه‌ت كردن و بردنه‌ پێشه‌وه‌ی ( ی ن ك ) ته‌نها به‌ گۆرانكاری ریشه‌یی ده‌كرێت دوور له‌ هه‌ڵچوون و رای تاكه‌كه‌سی فه‌رزكردنی كه‌سه‌كان و كاریگه‌ری سۆز و هه‌ست، كه‌واته‌ ئه‌و ئامانه‌ته‌ی زیاتر له‌ 47 ساڵه‌ ریبازه‌كه‌ی مام هه‌ڵی گرتووه‌ به‌ ئه‌نجامدان و به‌ستنی كۆنگره‌ كاریگه‌رترو به‌هیزتر ده‌بیت ئه‌گه‌ر هه‌مووان یه‌ك ده‌نگ و یه‌ك ووتار بین بۆ گۆرانكاری، خه‌ڵكانێكی زۆر جگه‌ له‌ ئه‌ندام و لایه‌نگران چاوه‌روانی ئه‌وه‌ ده‌كه‌ن، ئیمه‌ش ده‌بێت ئه‌و ئامانه‌ته‌ بپارێزین و درێژه‌پێده‌ری خه‌باتی هه‌ڤاڵی به‌ریز مام بین، تێبكۆشین و به‌ گیانی یه‌كترقبولكردنه‌وه‌ له‌ دۆخه‌كه‌ بروانین چونكه‌ له‌ ئێستادا پێویستمانه‌ ئاینده‌ش چاوه‌رێمانه‌، هه‌میشه‌ یه‌كێتی فێرگه‌یه‌ك بووه‌ یان بڵین ئه‌كادیمیایه‌ك بووه‌ پێشه‌نگی خه‌بات و ئاشتی و ئازادی بووه‌ بۆ كوردستان و كوردستانیان به‌رده‌وامیش له‌و هه‌وڵه‌ی نه‌وه‌ستاوه‌ كارو خه‌باتی به‌رده‌وامه‌ به‌ڵام مه‌خابن ئه‌م چه‌ند ساڵه‌ی دواتر به‌هۆی زروفی سیاسی  و تیرۆر و ئابوری و كۆچی دوای هه‌ڤاڵی به‌ریز مام جه‌لال، سستی هه‌بووه‌ له‌ هه‌وڵدان بۆ باشتركردنی دۆخه‌كه‌ كه‌ به‌داخه‌وه‌ وه‌ك هه‌ردوو  هه‌ڵبژاردنه‌ په‌رله‌مانیه‌كه‌ی ساڵی پار كه‌ بینیمان.  هه‌نگاونان له‌ پێناو ئاینده‌یه‌كی روونتر و سه‌رخستنی پرسی كۆنگره‌ به‌ یه‌كلاكردنه‌وه‌ی كێشه‌و گرفته‌ هه‌ڵواسراوه‌كانی په‌یوه‌ست به‌ ناوخۆی ( ی ن  ك ) ده‌بێت، ئێمه‌ بۆ ئه‌وه‌ی رۆڵمان هه‌بێت و ئه‌م پرسه‌ وه‌ك خۆی بروات و گۆرانكاری ریشه‌ی دروست بكات ده‌بێت به‌ر له‌ هه‌موو شت به‌رژه‌وه‌ندیه‌ تایبه‌تیه‌كان له‌بیربكه‌ین ئه‌گه‌رچی پله‌و پۆستیش بێت، به‌راستی هه‌وڵبده‌ین شوێنی شیاو بۆ كه‌سی گونجاو بێت له‌سه‌ر بنه‌مای زانستی و په‌روه‌رده‌یی  نه‌ك خواستی كه‌سه‌كان كه‌ ئه‌مه‌ هه‌ڵه‌یه‌كی گه‌وره‌یه‌ ئه‌گه‌ر به‌ خواستی شه‌خێی بكه‌ین ، روانگه‌ و روانینمان نه‌بێت بۆ ئاینده‌ی ( ی ن ك ) مان.


نوسینی / نه‌سرین كورده‌


PUKmedia تایبه‌ت

5555.png

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket