رێنماییه‌كانی وه‌رگرتن بۆ خوێندنی ئێواران له‌زانكۆی سلێمانی

.

بۆ خوێندنی ئێواران بۆ ساڵی 2019-2020، زانكۆی سلێمانی ئاگاداری خوێندكاران ده‌كاته‌وه‌، ئه‌وانه‌ی  ده‌یانه‌وێت له‌و كۆلێجانه‌ بخوێنن كه‌ خوێندنی ئێوارانیان ده‌بێت، فۆرفی پێشكه‌شكردن بۆ خوێندنی ئێواران له‌و كۆلێجانه‌ دابه‌شده‌كرێت كه‌ خوێندنی ئێواران ده‌كه‌نه‌وه‌ له‌ به‌رواری (11-9-2019 تاكو 3-10-2019)، بۆیه‌ به‌پێی رێنماییه‌كانی  وه‌زاره‌تی خوێندنی باڵاو توێژینه‌وه‌ی زانستی نرخ و رێنمایی خوێندن له‌و كۆلێجانه‌ دیاریكراوه‌، كه‌ به‌م شێوه‌یه‌یه‌:  
 1-  كۆنمره‌ی وه‌رگرتن له‌به‌شه‌ زانستییه‌ مرۆڤایه‌تییه‌كان و كارگێرییه‌كان و په‌روه‌رده‌ییه‌كان نابێت له‌ (60%) كه‌متر بێت و له‌ په‌یمانگه‌ حكومییه‌كانی هه‌مان ئه‌و پسپۆریانه‌ نابێت له‌ (55%) كه‌متر بێت.
2- بۆ وانه‌ په‌یوه‌ندیداره‌كانی پسپۆریه‌كان ڕه‌چاوی (كریدت) ده‌كرێت.
3- پلانی وه‌رگرتنی خوێندنی ئێواران له‌زانكۆ حكومییه‌كان به‌ ڕێژه‌ی (100%) پلانی په‌سندكراوی به‌شه‌كانی به‌یانیان ده‌بێت.
4- بۆ زیاتر ده‌سته‌به‌ركردنی كواڵیتی و دڵنیایی جۆری ، تاقیكردنه‌وه‌ كۆتاییه‌كان له‌خوێندنی ئێواران له‌گه‌ڵ خوێندنی به‌یانیان به‌یه‌كه‌وه‌ ئه‌نجام ده‌درێت به‌هه‌مان پرسیار ده‌بێت.
5- كات ژمێره‌كانی ده‌وامی خوێندنی ئێواران ده‌بێت به‌هاوتای كات ژمێره‌كانی خوێندنی به‌یانیان بێت (له‌ 8 كاتژمێر كه‌متر نه‌بێت).
6- له‌زانكۆ حكومییه‌كان هه‌ر به‌شێك له‌كۆلێژ و په‌یمانگه‌كان ، ئه‌گه‌ر له‌خوێندنی به‌یانیان قوتابی خوێندكاری نه‌بێت بۆی نیه‌ له‌ده‌وامی ئێواران قوتابی خوێندكار وه‌ربگرێت.
7- پێشینه‌  (ئه‌وله‌ویه‌ت) بۆ ده‌رچووانی ئاماده‌یی ساڵانی خوێندنی (2018-2017) ، (2019-2018) ده‌كرێت تا ڕێژه‌ی (70%) وه‌ له‌ كاتی پڕ نه‌بوونه‌وه‌ی ئه‌و ڕێژه‌یه‌ به‌ده‌رچووانی ساڵانی ڕابردوو  و ده‌ره‌وه‌ی هه‌رێم پڕ ده‌كرێته‌وه‌ و ڕه‌چاوی ته‌مه‌ن ناكرێت.
8- ده‌رچووی په‌یمانگه‌كان بۆ به‌شه‌ هاوشێوه‌ی پسپۆرییه‌كانیان ده‌چنه‌ پێشبڕكێ به‌مه‌رجێك له‌ (20%) پلان تێپه‌ر نه‌كات و تێكڕای كۆنمره‌یان له‌ (60%) كه‌متر نه‌بێت ، ئه‌گه‌ر پسپۆری هاوشێوه‌یان نه‌بوو له‌سه‌ر بنه‌مای كۆنمره‌ی ئاماده‌یی پێشبڕكێ ده‌كه‌ن.
9- گواستنه‌وه‌ بۆ وه‌رگیراوان له‌ خوێندنی ئێواران بۆ به‌شی هاوشێوه‌ی به‌یانیان ناكرێت له‌به‌ر جیاوازی كۆنمره‌.
10-  به‌مه‌به‌ستی هاندانی خوێندن ئه‌گه‌ر قوتابی/ خوێندكار كه‌ به‌سیسته‌می ئێواران وه‌رگیراوه‌ ئه‌گه‌ر له‌ هه‌ر سالێك یه‌كه‌م بوو له‌ سه‌ر هه‌موو قوتابیان / خوێندكارانی به‌شه‌كه‌ی ئه‌وا له‌ (75%) ی كرێی خوێندن ده‌بوردرێت و ئه‌گه‌ر دووه‌م بوو له‌ (50%) و سێیه‌م له‌ (25%) ی كرێی خوێندن ده‌بوردرێت.
11-  بۆ ئه‌و كۆلێجانه‌ی كه‌ به‌ تاقیكردنه‌وه‌ و چاوپێكه‌وتن پێشكه‌شی سیسته‌می ئێواران ده‌كه‌ن ، مه‌رجه‌ تاقیكردنه‌وه‌ی جه‌سته‌یی و لێهاتویی ده‌ر‌بچێت بۆ چوونه‌ ناوپێشبڕكێی كورسی پلانی وه‌رگرتنی به‌شه‌كان.
12-  پێویسته‌ ده‌رچوانی ئاماده‌یی به‌ هه‌ردوو شێوه‌ی (فۆرم و ئۆن لاین) پێشكه‌شی ئێواران بكه‌ن ، وه‌ بۆ ده‌ستكه‌وتنی وشه‌ی به‌كارهێنه‌ر و وشه‌ی تێپه‌ری ماڵپه‌ڕی(https://regayzanko.com/student/index.php) پێویسته‌ سه‌ردانی مه‌ڵبه‌ندی ڕاوێژكاری بكه‌ن له‌ تۆماری گشتی زانكۆی سلێمانی.
13-  فۆرمی ئێواران له‌ زانكۆی سلێمانی له‌ به‌رواری (11/09/2019) تا (04/10/2019) ڕێكه‌وتی یه‌كشه‌ممه‌ له‌ تۆماری كۆلێجه‌كان دابه‌ش ده‌كرێت.

نرخی خوێندن له‌ كۆلێج و به‌شه‌كانی زانكۆی سلێمانی بۆ خوێندنی ئێواران:

PUKmedia راگه‌یاندنی زانكۆی سلێمانی