پیشەوەرانی بازیان گردبوونەوە

.

بەشێك لە پیشەوەرانی ناحیەی بازیان گردبوونەوە و بۆ ماوەیەك رێگەی سەرەكی سلێمانی-كەركوك یان داخست، بەوهۆیەشەوە ئاستەنگی هاتووچۆ بۆ شۆفێران درووست بوو.

لەوبارەیەوە سەرچاوەیەك لە شارەوانی بازیان بە PUKmedia ی راگەیاند: پێشنیوەڕۆی ئەمڕۆ سێ شەممە 10-9-2019، بەهۆی جێبەجێنەكردنی داواكارییەكانیانەوە ژمارەیەك لە پیشەوەرانی سنووری ناحیەی بازیان گردبوونەوە و بۆ ماوەیەكیش رێگەی سەرەكی سلێمانی-كەركوك یان داخست.

وتیشی: هۆكاری خۆپیشاندانەكەیان ئەوەبووە كە چەند  ساڵێكە بڕیاردراوە ناوچەیەكی پیشەسازی بدرێتە پیشەوەرانی سنوورەكە، بەڵام بەهۆی نەبوونی بوودجەوە نەتوانراوە خزمەتگوزاری پێویست بگەیەنرێتە شوێنەكە و پیشەوەران بتوانن سوودی لێ ببینن.

راشیگەیاند: لە ئێستادا لەگەڵ كۆمیتەی بازیانی یەكێتی، لەهەوڵی چارەسەركردنی كێشەداین و بەڵێنمان پێدراوە بودجەی پێویستمان بۆ تەرخانكەن، بۆ ئەوەی بتوانین شوێنی زەوییەكان دیاریكەین و كێشەی پیشەوەران چارەسەركەین.

PUKmedia ژینەر محەمەد

وێنەكان لە سۆشیال میدیاوە وەرگیراون