داعش بۆردومان ده‌كرێت

.

له‌ به‌یانی ئه‌مڕۆوه‌ چه‌ندجارێك به‌ موشه‌كی دوورهاوێژ و فڕۆكه‌، هێرش كراوه‌ته‌ سه‌ر تیرۆرستانی داعش له‌قه‌زای شركات.

له‌و باره‌یه‌وه‌ ره‌شاد گه‌ڵاڵی لێپرسراوی كۆمیته‌ی مه‌خمووری یه‌كێتیی نیشتمانیی كوردستان به‌ PUKmedia ی راگه‌یاند: له‌به‌یانی ئه‌مڕۆوه‌ فڕۆكه‌كانی هاوپه‌یمانان به‌هاوكاری سوپاو پۆلیسی ئیتحادی دووجار هێرشیان كردوه‌ته‌ سه‌ر تیرۆرستانی داعش له‌دارستانی گوندی كه‌لعوز له‌ رۆژهه‌ڵاتی قه‌زای شركات.

وتیشی: زیانه‌كانی داعش نه‌زانراوه‌، به‌ڵام به‌پێی پلانێكی تۆكمه‌ له‌نێوان هێزی هاوپه‌یمانان و سوپا و پۆلیسی ئیتحادی هێرشه‌كه‌ ئه‌نجامدراوه‌.

PUKmedia تایبه‌ت