هه‌وڵی زیادكردنی پشكی كورد ده‌درێت

.

نوێنه‌رانی كورد له‌ به‌غدا هه‌وڵده‌ده‌ن پشكی هه‌رێمی كوردستان له‌ بودجه‌ی عیراق زیاد بكه‌ن و ئه‌ندامێكی لیژنه‌ی داراییش له‌ په‌رله‌مانی عیراق ده‌ڵێت، كورد مافی خۆیه‌تی ئه‌و پشكه‌ زیاد بكات.

شیروان میرزا ئه‌ندامی لیژنه‌ی دارایی له‌ په‌رله‌مانی عیراق له‌فراكسیۆنی یه‌كێتیی نیشتمانیی كوردستان به‌ PUKmedia ی راگه‌یاند: پشتر پشكی له‌ 17% بۆ هه‌رێم له‌ بودجه‌ به‌ رێككه‌وتنی سیاسی كراوه‌، هه‌روه‌ها رێژه‌ی  12.62% پشكی هه‌رێمیش له‌سه‌ر بڕیاری حه‌یده‌ر عه‌بادی سه‌رۆك وه‌زیرانی پێشووی عیراق به‌ بڕیاری سیاسی كراوه‌، به‌ڵام به‌پێی ئه‌و ئاماره‌ی له‌لایه‌ن ئاماری ناوه‌ندیه‌وه‌ ده‌ست ئێمه‌ كه‌وتووه‌، رێژه‌ی كورد له‌ عیراق 13.92% بۆیه‌ وه‌ك نوێنه‌رانی كورد هه‌وڵده‌ده‌ین پشكی هه‌رێم له‌ بودجه‌ی عیراق بكه‌ین به‌و رێژه‌یه‌، چونكه‌ كورد مافی خۆیه‌تی ئه‌و رێژه‌یه‌ی له‌ بودجه‌ی عیراق بۆ ته‌رخان بكرێت.

وتیشی: هه‌وڵده‌ده‌ین پشكی كورد له‌ بودجه‌ی عیراق بۆ ساڵی داهاتوو زیاد بكه‌ین، چونكه‌ مافی كورد خۆیه‌تی و ئه‌و رێژه‌یه‌ی پشتر له‌ لایه‌ن حه‌یده‌ر عه‌بادییه‌وه‌ دانرابوو بڕیاری سزای سیاسی بوو، هیچ بنه‌مایه‌كی یاسایی نه‌بوو.

PUKmedia تایبه‌ت