لاڤرۆڤ سه‌ردانی عیراق ده‌كات

.

وابڕیاره‌  ئۆكتۆبه‌ری داهاتوو سێرگه‌ی لاڤرۆڤ وه‌زیری ده‌ره‌وه‌ی روسیا بۆ تاوتوێكردنی چه‌ند پرسێكی گرنگ سه‌ردانی عیراق بكات.

میغائیل بۆگدانۆڤ، نوێنه‌ری ره‌سمی روسیا له‌ رۆژهه‌ڵاتی ناوه‌ڕاست و ئه‌فریقاو جێگری وه‌زیری ده‌ره‌وه‌ی روسیا، رایگه‌یاندوه‌:" ئۆكتۆبه‌ری داهاتوو  سێرگه‌ی لاڤرۆڤ وه‌زیری ده‌ره‌وه‌ی روسیا سه‌ردانی عیراق ده‌كات".

ئاماژه‌ی به‌وه‌شداوه‌:" سه‌ردانه‌كه‌ی وه‌زیری ده‌ره‌وه‌ رۆڵی گرنگی ده‌بێت له‌گه‌شه‌پێدان و پشتیوانی په‌یوه‌ندیه‌كانی نێوان هه‌ردوو وڵاتی روسیا- عیراق".

جه‌ختیشكراوه‌ته‌وه‌:" روسیا  ئاماده‌كاری بۆ سه‌ردانی به‌رپرسانی باڵای عیراق ده‌كات بۆ روسیا له‌داهاتوودا ،  به‌تایبه‌ت سه‌رۆك كۆمارو سه‌رۆك وه‌زیران و سه‌رۆكی په‌رله‌مانی عیراق".

PUKmedia ئاژانسه‌كان