موبایلێك ناسنامه‌ی ژنه‌ تیرۆرستێكی داعش ئاشكرا ده‌كات

.

دوای دۆزینه‌وه‌ی موبایله‌كه‌ی كه‌ فڕێی دابوو، ناسنامه‌ی  ژنه‌ به‌ڕه‌گه‌ز تونسیه‌ك كه‌ناسنامه‌ی ئه‌ڵمانیایی هه‌یه‌،  بوونی په‌یوه‌ندی به‌ریزه‌كانی داعشه‌وه‌ ئاشكرا ده‌كرێت.

ئاژانسه‌كانی ئه‌ڵمانیا بڵاویانكردوه‌ته‌وه‌:" ئومیمه‌، ته‌مه‌ن 35 ساڵان، كه‌ به‌ڕه‌چه‌ڵه‌ك تونسیه‌، دوای ئه‌وه‌ی پۆلیس موبایله‌كه‌ی دۆزیوه‌ته‌وه‌، هه‌بوونی په‌یوه‌ندی به‌ریزه‌كانی داعش ئاشكراده‌كرێت و روبه‌ڕووی دادگا ده‌كرێته‌وه‌".

ئاماژه‌ به‌وه‌شدراوه‌:" ئه‌و ژنه‌ له‌ساڵی 1984 له‌ هامبورگ له‌دایك و باوكێكی تونسی له‌دایك بووه‌، له‌ساڵی 2015 له‌گه‌ڵ هاوسه‌ری یه‌كه‌می كه‌ناوی نادر بووه‌، چووه‌ته‌ سوریا".

ئه‌وه‌ش ئاشكرابووه‌:" دوای كوژرانی نادر، هاوسه‌رگیری له‌گه‌ڵ دینس كوسپرتی گۆرانیبێژی راپه‌ڕی ئه‌ڵمانیایی كردوه‌و ئه‌ویش كوژراوه‌".

ئومیمه‌، به‌ دووگیانیه‌وه‌ گه‌ڕاوه‌ته‌وه‌ ئه‌ڵمانیا و دواتر بووه‌ته‌ وه‌رگێڕ، به‌ڵام دوای ماوه‌یه‌ك پۆلیس موبایله‌كه‌ی دۆزیوه‌ته‌وه‌ كه‌ 36 گێگا بات زانیاری تێدابووه‌، هه‌ربۆیه‌ دادگای فیدڕاڵی كارلسروهه‌ی ئه‌ڵمانیا  ئه‌مڕۆ سێ شه‌ممه‌ دادگای ده‌كرێت.

PUKmedia داڕشتنه‌وه‌ی سامان یاروه‌یس