دیاله‌ .. شوێنی شانه‌ نوستووه‌كانی داعش ئاشكرا ده‌كرێن

.

سه‌رۆكی ئه‌نجومه‌نی ناحیه‌ی عوزێم له‌سنوری پارێزگای دیاله‌ هۆشداری ده‌دات له‌سه‌ر ناوچه‌ی متیبیجه‌ی نێوان " دیاله‌- سڵاحه‌دین –كه‌ركوك" كه‌ شوێنێ شانه‌ نوستووه‌كانی داعشه‌.

محه‌مه‌د عوبێدی سه‌رۆكی ئه‌نجومه‌نی ناحیه‌ی عوزێم رایگه‌یاندوه‌:" پێویسته‌ حكومه‌ت ناوچه‌ی متیبیجه‌ی نێوان هه‌رسێ پارێزگای   " دیاله‌- سڵاحه‌دین –كه‌ركوك"   له‌تیرۆرستان پاكبكاته‌وه‌".

وتیشی:" له‌ئێستادا ئه‌و شوێنه‌ بووه‌ته‌ جێگه‌ی شانه‌ نوستووه‌كانی داعش و له‌و شوێنه‌وه‌ چه‌ندین كرده‌وه‌ی تیرۆرستی و په‌لاماری چه‌كداری ئه‌نجامدراوه‌".

باسی له‌وه‌شكردوه‌:" بووه‌ته‌ مه‌ترسیه‌كی گه‌وره‌ بۆ سه‌ر دیاله‌و به‌غدا".

ئه‌وه‌شی وتووه‌:" به‌پاكردنه‌وه‌ی ئه‌و ناوچانه‌ له‌تیرۆرستان و گه‌ڕانه‌وه‌ی ئاواره‌كان ده‌توانرێت كۆتایی به‌و مه‌ترسیه‌ بهێنرێت".

PUKmedia  ئاژانسه‌كان