به‌موشه‌ك هێرشده‌كرێته‌ سه‌ر ئیسرائیل

.

سوپای ئیسرائیل له‌به‌یاننامه‌یه‌كدا پێكانی چه‌ند موشه‌كێكی، كه‌له‌خاكی  سوریاوه‌ ئاڕاسته‌ی وڵاته‌كه‌یان كراوه‌ راگه‌یاند.

سوپای ئیسرائیل، له‌وباره‌یه‌وه‌ بڵاویكردوه‌ته‌وه‌:" به‌ره‌به‌یانی ئه‌مڕۆ  چه‌ند موشه‌كێكیان كه‌له‌ ده‌وروبه‌ری دیمه‌شقی سوریاوه‌ ئاڕاسته‌ی خاكی وڵاته‌كه‌یان كراوه‌ كردوه‌ته‌ ئامانج و تێكشكاون".

رونیشكراوه‌ته‌وه‌:" ئه‌و موشه‌كانه‌ له‌لایه‌ن گروپه‌ چه‌كداره‌كانی سه‌ربه‌ فه‌یله‌قی قودسی ئێرانیه‌وه‌ وه‌شێنراون".

سوپای ئیسرائیل حكومه‌تی سوریا به‌به‌رپرسی ئه‌و هێرشانه‌ ده‌زانێت و هۆشداریه‌كی توند به‌ رژێمه‌كه‌ی ئه‌سه‌د ده‌دات.

PUKmedia  سكای نیوز