فه‌ره‌نسا: هێشتا ده‌رفه‌تی گفتوگۆ له‌گه‌ڵ ئێران ماوه‌

.

گه‌وره‌ به‌رپرسێكی فه‌ره‌نسی ڕایده‌گه‌یه‌نێت كه‌ هێشتا ده‌رفه‌ت بۆ گفتوگۆ له‌گه‌ڵ ئێران ماوه‌ و ده‌رگای دانوستان دانه‌خراوه‌.

پاش ئه‌وه‌ی كه‌ ئێران پابه‌ندبوونی خۆی بۆ ڕێككه‌وتننامه‌ ئه‌تۆمییه‌كه‌ی كه‌مكرده‌وه‌ ژان لیۆلۆ دریان وه‌زیری ده‌ره‌وه‌ی فه‌ره‌نسا له‌ كۆنفرانسێكی ڕۆژنامه‌وانیدا ڕایگه‌یاند: ئێستا ده‌رفه‌تی دانوستان و گفتوگۆ له‌گه‌ڵ تاران ماوه‌ و ده‌رگاكانی گفتوگۆ دانه‌خراون.

دوای ئه‌وه‌ی كه‌ ساڵی پار ئه‌مریكا له‌ ڕێككه‌وتنه‌ ئه‌تۆمییه‌كه‌ی كشایه‌وه‌ و سزای قورسی به‌سه‌ر ئێراندا سه‌پاند ئێرانیش له‌ سێ قۆناغدا پابه‌ندبوونی خۆی به‌ ڕێككه‌وتنه‌ ئه‌تۆمییه‌كه‌ كه‌مكرده‌وه‌.

PUKmedia  ئاژانسه‌كان