لەكەركوك تەقینەوە رویدا

.

 لەكەركوك سێ تەقینەوە رویانداو بەپێی زانیارییە سەرەتاییەكانی پۆلیسیش سێ كەس بەهۆیانەوە بریندار بوون.

عەمید ئەفراسیاو كامیل وتەبێژی بەڕێوەبەرایەتی پۆلیسی كەركوك بە PUKmediaی راگەیاند: لەگەڕەكی یەكی حوزەیرانی كەركوك لەنزیك سەنتەرێكی گەنجان بۆمبێكی چێنراو تەقیوەتەوەو بەهۆیەوە سێ كەس بریندار بوون.

لەگەڕەكی واستی شەقامی عەبدولڕەحمانیش بۆمبێكی چێنراو لەناو حاویەكی خۆڵ و خاشاكدا دانرابوو، بەڵام لەكاتی پوچەڵكردنەوەیدا تەقیوەتەوە بەبێ ئەوەی هیچ زیانێكی گیانی لێبكەوێتەوە.

وتەبێژی پۆلیسی كەركوك ئاماژەی بەوەشدا كە كەمێك لەمەوبەر تەقینەوەیەكی دیكەش رویداوە، بەڵام تائێستا شوێنی تەقینەوەكەو زیانەكانی نەزانراوە، تەنها دەنگی تەقینەوەكە هەستی پێكراوە.

PUKmedia تایبەت