دیاله‌ .. دوو زیندانی سزادراو كوژران

.

له‌نزیك شارۆچكه‌ی ئه‌بی سه‌یدای باكوری رۆژهه‌ڵاتی دیاله‌،  ژماره‌یه‌ك چه‌كداری نه‌ناسراو دوو  زیندانی سزادراو ده‌كوژن.

عه‌باس فازڵ چالاكوانی مه‌ده‌نی به‌ PUKmedia ی راگه‌یاند: ئێواره‌ی ئه‌مڕۆ له‌كاتی گواستنه‌وه‌ی دوو زیندانی له‌مقدادیه‌وه‌ بۆ زیندانیه‌كانیان ژماره‌یه‌ك چه‌كدار له‌نزیك شارۆچكه‌ی ئه‌بی سه‌یدا په‌لاماری ئۆتۆمبێلی گوێزه‌ره‌وه‌ی ئه‌و  زیندانیانه‌یان داوه‌.

وتیشی: چه‌كداره‌كان ده‌ستڕێژی گوللــه‌یان كردوه‌و هه‌ردوو زیندانیه‌كه‌یان كوشتووه‌ ،هاوكات پۆلیسێكیش برینداربووه‌.

یه‌كێك له‌زیندانیه‌كان سزای له‌سێداره‌دان دراوه‌و ئه‌ویتریش زیندانی هه‌میشه‌یی.

PUKmedia سامان یاروه‌یس