كۆسره‌ت ره‌سوڵ: هاوهه‌ڵوێستی هه‌یه‌ بۆ ئه‌نجامدانی كۆنگره‌

كۆسره‌ت ره‌سوڵ: هاوهه‌ڵوێستی هه‌یه‌ بۆ ئه‌نجامدانی كۆنگره‌


8/9/2019 13:27:00
چاپ کردن
بە وێنەوە    بە بێ وێنە
           
.

كۆسره‌ت ره‌سوڵ پێشوازی له‌ كونسوڵی ئه‌مریكا له‌ هه‌رێمی كوردستان كرد.

‎سه‌رله‌به‌یانی ئه‌مڕۆ یه‌كشه‌ممه‌ 8-9-2019  له‌شاری سلێمانی كۆسره‌ت ره‌سوڵ عه‌لی جێگری سكرتێری گشتی یه‌كێتیی نیشتمانیی كوردستان پێشوازیكرد له‌ ستیفن فه‌یگن كونسوڵی ئه‌مریكا له‌ هه‌رێمی كوردستان و وه‌فدی یاوه‌ری.

له‌ دیداره‌كه‌دا كه‌ شاڵاو كۆسره‌ت ره‌سوڵ ئه‌ندامی سه‌ركردایه‌تی و لێپرسراوی مه‌ڵبه‌ندی هه‌ولێر ئاماده‌ی بوو گفتوگۆكرا له‌باره‌ی دۆخی كوردستان، په‌یوه‌ندییه‌كانی نێوان هه‌رێم و به‌غداو دۆخی حزبی و ڕێكخراوه‌یی یه‌كێتی نیشتمانی كوردستان.

په‌یوه‌ست به‌یه‌كێتیی نیشتمانیی كوردستان و بڕیاری ئه‌نجامدانی كۆنگره‌ی یه‌كێتیی نیشتمانیی كوردستان هه‌ردوولا گفتوگۆی وردی ئاینده‌ی یه‌كێتیی نیشتمانیی كوردستانیان كردو جه‌ختیان له‌ زه‌روره‌تی یه‌كێتی بۆ كوردستان و عێراق و ناوچه‌كه‌ كرده‌وه‌و دووپاتیان كرده‌وه‌ كه‌ كۆنگره‌ی یه‌كێتی بۆ دووباره‌ ڕێكخستنه‌وه‌ی هه‌یكه‌لی حزب و په‌یڕه‌و و پڕۆگرامێكی نوێ بۆ داهاتووی حزب و خزمه‌تكردنی كۆمه‌ڵانی خه‌ڵكی كوردستان بێ.

كۆسره‌ت ره‌سوڵ وتیشی: كۆده‌نگی و هاوهه‌ڵوێستییه‌كی دڵسۆزانه‌ هه‌یه‌ بۆ ڕێكخستنه‌وه‌ی یه‌كێتی و ئه‌نجامدانی كۆنگره‌یه‌كی نه‌وعی، كه‌ یه‌كێتی بكاته‌وه‌ به‌چه‌تری كۆكه‌ره‌وه‌ی هه‌موو تێكۆشه‌ران و دڵسۆزانی.

په‌یوه‌ندییه‌كانی نێوان هه‌رێم و به‌غداو گفتوگۆكانی نێوان حكومه‌تی هه‌رێم و به‌غدا به‌ ئاراسته‌ی چاره‌سه‌ری بنه‌ڕه‌تی كێشه‌كان گفتوگۆی جدی له‌باره‌وه‌ كرا، جێگری سكرتێری گشتی دووپاتی كرده‌وه‌ كه‌ یه‌كێتی له‌گه‌ڵ ڕێككه‌وتنی نێوان هه‌رێم و به‌غداو چاره‌سه‌ری بنه‌ڕه‌تی كێشه‌كانی نێوان هه‌ردوولایه‌و له‌م پێناوه‌شدا بڕیارو ئه‌جێندای تایبه‌تی خۆی هه‌یه‌و هه‌وڵی جێبه‌جێكردنی ده‌دا.

پرسی كه‌ركوك و ناوچه‌ كوردستانییه‌كان ته‌وه‌رێكی تری دیداره‌كه‌ بوو، جێگری سكرتێری گشتی و كونسوڵی گشتی ئه‌مریكا گفتوگۆی دۆخی كه‌ركوك و سه‌رجه‌م ناوچه‌ كوردستانییه‌كانیان كردو دووپاتیان كرده‌وه‌ كه‌ ده‌بێ دۆخی ئه‌م ناوچانه‌ ئاسایی بكرێنه‌وه‌و لایه‌نه‌ كوردییه‌كان به‌یه‌ك هه‌ڵوێستی و یه‌كگوتاری كاربكه‌ن بۆ ئه‌م پرسه‌.

هاوكات له‌دیداره‌كه‌دا هه‌وڵه‌كانی ئه‌مریكا بۆ هاوكاریكردنی هێزی پێشمه‌رگه‌و هه‌نگاوه‌كانی چاكسازی له‌نێو هێزی پێشمه‌رگه‌ گفتوگۆی وردی له‌باره‌وه‌ كراو كۆسره‌ت ره‌سوڵ دیدو تێڕوانینی یه‌كێتی به‌ڕاشكاوی خسته‌ڕوو.

كۆتا ته‌وه‌ری دیداره‌كه‌ دۆخی هه‌رێمی كوردستان و په‌یوه‌ندییه‌كانی نێوان لایه‌نه‌ سیاسییه‌كان بوو، هه‌ردوولا هاوڕابوون كه‌ ده‌بێ په‌یوه‌ندییه‌كی ته‌ندروست له‌نێوان هێزو لایه‌نه‌ سیاسییه‌كان هه‌بێ و لایه‌نه‌كان پێكه‌وه‌ هه‌وڵده‌ن په‌ره‌ به‌ چاكسازی بدرێ و دۆخی ژیان و گوزه‌رانی خه‌ڵك و خزمه‌تگوزارییه‌كان به‌ره‌وپێش ببردرێن.


PUKmedia راگه‌یاندنی جێگری سكرتێری گشتی

وێنە هەواڵ
  • image04
  • عومەری سەید عەلی بە ڕێکخەری گشتی بزوتنەوەی گۆڕان هەڵبژێردرایەوە

  • image04
  • 28 ساڵ خزمه‌تی بێ دابڕان

  • image04
  • 11ی سێپته‌مبه‌ر.. سه‌ره‌تاییه‌ك بۆ یه‌كهه‌ڵوێستی جیهان دژی تیرۆر

  • image04
  • سه‌رۆكایه‌تی په‌رله‌مان له‌گه‌ڵ یه‌كێتی كۆده‌بنه‌وه‌

  • image04
  • .

  • image04
  • قوباد تاڵه‌بانی به‌شداری كۆنفرانسی ئای تۆك ده‌كات

  • image04
  • مەكتەبی سیاسی پرسی بەستنی كۆنگرە تاوتوێ دەكات

  • image04
  • ساڵێك به‌سه‌ر كۆچی دوایی د.جه‌مال، باوكی منداڵان تێده‌په‌ڕێت


                                           

ئوسترالیا.. كه‌رتی ڕێكخستنی له‌ كوینزلاند كۆبووه‌وه‌


كه‌رتی ڕێكخستنی یه‌كێتی نیشتمانی كوردستانی بریزبن له‌ هۆڵی MDA .

به‌سه‌رپه‌رشتی ت...


  دانیمارك.. یادی شه‌هید دكتۆر سادقی شه‌ره‌ف كه‌ندی ده‌كرێته‌وه‌
  كۆمیتەی رێكخستنی یەكێتی لەئوسترالیا كۆبووەوە
                                           

قادر عه‌زیز: به‌ستنی كۆنگره‌یه‌كی سه‌ركه‌وتوو


قادر عه‌زیز ئه‌ندامی مه‌كته‌بی سیاسی ‌و سه‌رپه‌رشتیاری مه‌كته‌بی راگه‌یاندنی یه‌كێتیی نیشتمانیی كوردستا...


  سه‌عدی پیره‌: بۆ كۆنگره‌ پێویستمان به‌ ته‌وافوق نییه‌
  رەهبەر سەید برایم: ئەگەر كۆنگرە نەبەستین ناتوانین بەشداریی هەڵبژاردن بكەین
                                           

دیموكراسی تونس تاقانەیە‌‌

ئه‌مڕۆ یه‌كشه‌ممه‌ 15-9-2019  جارێكی دیكه‌ هاووڵاتیانی تونس ده‌چنه‌ سه‌ر سندوقه‌كانی ده‌نگدان بۆ ئه&zwn...


   دوورخستنه‌وه‌ی بۆڵتۆن دوورخستنه‌وه‌ی جه‌نگه‌
  11ی سێپته‌مبه‌ر.. سه‌ره‌تای یه‌كهه‌ڵوێستی جیهان دژی تیرۆر


کاریکاتێر