ده‌ستبه‌دابه‌شكردنی مووچه‌ ده‌كرێت

.

بڕیاره‌ ئه‌مڕۆ یه‌كشه‌ممه‌ 8-9-2019 وه‌زاره‌تی دارایی حكومه‌تی هه‌رێمی كوردستان ده‌ستبه‌دابه‌شكردنی مووچه‌ی مانگی حوزه‌یرانی فه‌رمانبه‌ران بكات.

به‌پێی راگه‌یه‌نراوێكی وه‌زاره‌تی دارایی ئه‌مڕۆ مووچه‌ی دیوانی وه‌زاره‌تی پێشمه‌رگه‌و لیواكان و هێزه‌كانی 70 و 80 دابه‌شده‌كرێت.

هه‌روه‌ها سبه‌ینێ به‌هۆی ئه‌وه‌ی پشووی ره‌سمیه‌و ده‌وام نیه‌، هیچ وه‌زاره‌تێك مووچه‌ وه‌رناگرێت، به‌ڵام رۆژی سێ شه‌ممه‌ دابه‌شكردنی مووچه‌ ده‌ستپێده‌كاته‌وه‌و وه‌زاره‌تی په‌روه‌رده‌ مووچه‌ وه‌رده‌گرێت.

چاوه‌ڕوانیش ده‌كرێت تا كۆتایی ئه‌م هه‌فته‌یه‌ هه‌ر یه‌ك له‌ وه‌زاره‌ته‌كانی دارایی و ته‌ندروستیش مووچه‌ی مانگی حوزیران وه‌ربگرن.

PUKmedia تایبه‌ت