عیراق هه‌وڵی دامه‌زراندنی وێستگه‌ی ئه‌تۆمی ده‌دات

.

حكومه‌تی عیراق بۆ دابینكردن و به‌رهه‌مهێنانی كاره‌بای پێویست له‌ هه‌وڵی ئه‌وه‌دایه‌ وزه‌ی ئه‌تۆم بكات به‌ شوێنگره‌وه‌ی گازی سروشتی.

حه‌یده‌ر هادی مه‌نسور باڵیۆزی عیراق له‌ مۆسكۆ رایگه‌یاندووه‌: به‌غدا له‌گه‌ڵ كۆمپانیای روس ئه‌تۆمی روسی گفتوگۆكانی ده‌ستپێكردووه‌، بۆ دامه‌زراندنی وێستگه‌یه‌كی به‌رهه‌مهێنانی وزه‌ی ئه‌تۆم له‌ عیراق و به‌كارهێنانه‌وه‌ی له‌ دابینكردنی كاره‌باو پیشه‌سازییه‌ قورسه‌كان.

باڵیۆزی عیراق له‌ مۆسكۆ ئاماژه‌ی بۆ ئه‌وه‌شكردووه‌، ئه‌گه‌ر گفتوگۆكان ئه‌نجامیان هه‌بێت، عیراق بۆ دابینكردنی سه‌رچاوه‌ی كاره‌با، ده‌ستبه‌رداری گازی سروشتی ده‌بێت له‌ وێستگه‌كانی به‌رهه‌مهێنانی كاره‌با.

كۆمپانیای (رووس ئه‌تۆم)ی رووسی، له‌سه‌ر ئاستی جیهان، له‌گه‌ڵ (360) گه‌وره‌ دامه‌زراوه‌ی پیشه‌سازی مامه‌ڵه‌ ده‌كات و له‌ 40% ی سه‌رچاوه‌ی وزه‌ی له‌ بازاڕه‌كانی جیهان بۆ خۆی قۆرخكردووه‌.

PUKmedia ئاژانسه‌كان