ده‌ست به‌سه‌ر بڕێكی زۆر هێلكه‌ی خراپبوودا ده‌گیرێت

.

له‌ درێژه‌ی كارو چالاكیه‌كانی به‌ڕێوه‌به‌رایه‌تی ئاسایشی پارێزگای سلێمانی، به‌مه‌به‌ستی نه‌هێشتنی هه‌ر جۆره‌ كارێكی نایاسایی و هێنانی خۆراكی قه‌ده‌غه‌كراو، هێزه‌كانی به‌ڕێوه‌به‌رایه‌تی ئاسایشی سلێمانی، له‌ سه‌عات 5 پێنجی ئێواره‌ی ئه‌مڕۆ 7-9-2019، توانیان له‌مه‌رزی باشماخی نێوده‌وڵه‌تی ده‌ست به‌سه‌ر  كۆنتێنه‌رێكدا بگرن كه‌بڕی 22 ته‌ن و  900  كیلۆگرام هێلكه‌ی ئۆكرانی باركردبوو، كه‌ ویسترابوو بهێنرێته‌ ناو هه‌رێم.

بۆیه‌ به‌پێی بڕیارو ڕێنماییه‌كانی هاورده‌كردنی هێلكه‌، خاوه‌نی باره‌كه‌ رووبه‌ڕووی یاسا كراوه‌ته‌وه‌و ده‌ست به‌رسه‌ر ئۆتۆمبێل و باره‌ هێلكه‌كه‌دا گیراوه‌ بۆئه‌وه‌ی ڕێكاری یاسایی به‌رانبه‌ر بگیرێته‌به‌ر.

PUKmedia ڕاگه‌یاندنی ئاسایشی سلێمانی