riklam

مه‌لا به‌ختیار: مێژوویه‌كی گه‌وره‌مان هه‌یه‌‌و هه‌موومان تێیدا جێگه‌مان بوه‌ته‌وه‌

ی.ن.ک‌‌ 03:32 PM - 2019-09-07
.

.

مه‌لا به‌ختیار، پێشوازی له‌ ره‌سوڵ حه‌مه‌د مسته‌فا، ‌وه‌ك خانه‌واده‌ی سه‌ركرده‌ی كۆچكردوو هه‌ڤاڵی سه‌ركرده‌ ره‌سوڵ مامه‌ند كرد، كه‌ ئێستا سه‌رۆكی هۆزی شیلانه‌یه‌ له‌راپه‌ڕین‌و له‌دیدارێكی هه‌ڤاڵانه‌شدا، كۆمه‌ڵی رووداو و راستیی مێژوویی گێڕایه‌وه‌، كه‌ تیایدا هه‌ڤاڵ‌و هاوسه‌نگه‌ره‌ یاوه‌ره‌كانی ره‌سوڵ مامه‌ندی، به‌ دڵسۆز‌و تێكۆشه‌رانی دێرین‌و راسته‌قینه‌ی شۆڕش ناساند، كه‌ هه‌موو ژیانیان بۆ كوردایه‌تی ته‌رخانكردووه‌و له‌و باره‌یه‌شه‌وه‌، رایگه‌یاند: یه‌كێتی، مێژوویه‌كی گه‌وره‌مان هه‌یه‌‌و هه‌موومان له‌و مێژووه‌شدا جێگه‌مان بۆته‌وه‌، ئه‌گه‌رچی ماوه‌یه‌كیش دابڕان دروست ببووبێت. به‌ڵام هه‌ر له‌ناو ئه‌و مێژووه‌داین‌و ئاماژه‌شی بۆ ئه‌وه‌كرد، كه‌ جیابوونه‌وه‌ هه‌ر له‌ناو یه‌كێتیدا رووینه‌داوه‌، به‌ڵكو مێژوو پڕه‌ له‌جیابوونه‌وه‌و هه‌ركه‌سێكیش ده‌یه‌وێ‌ ئێستا به‌رقی جیابوونه‌وه‌ سیاسه‌ت بكات، هه‌ڵه‌یه‌. به‌پێچه‌وانه‌شه‌وه‌ ئه‌وه‌ی ده‌یه‌وێ‌، له‌جیابوونه‌وه‌ تێبگات‌و خزمه‌تی راستییه‌كانی مێژووی پێبكات، كارێكی دروست ده‌كات، چونكه‌ جیابوونه‌وه‌ عه‌یبه‌یه‌كی گه‌وره‌ نییه‌‌و وتی:  به‌ڵام حه‌قیقه‌ته‌ جوانه‌كه‌ ئه‌وه‌یه‌، كه‌ ئێمه‌ پێكه‌وه‌ شۆڕشمان كرد‌و هه‌رچی به‌سه‌ر ئه‌م شۆڕشه‌ هات، هه‌موومان پێكه‌وه‌ به‌رگه‌مان گرت، ته‌سلیم نه‌بوینه‌وه‌، چۆكمان دانه‌دا‌و خیانه‌تیشمان نه‌كرد‌و هه‌ڵنه‌گه‌ڕاینه‌وه‌و له‌سه‌نگه‌ری خۆشماندا ماینه‌وه‌‌و جه‌ختیشیكرده‌وه‌: سه‌ره‌نجام ئه‌زموونیش هه‌موومانی فێركرد‌و كۆكرده‌وه‌، كه‌ ئه‌م حوكمڕانی فیدراڵییه‌یه‌‌و په‌رۆشبین بۆ ئه‌وه‌ی ئه‌زموونه‌كه‌ له‌بارنه‌چێت.

لێپرسراوی ده‌سته‌ی كارگێڕی، هاوكات ئاماژه‌شی بۆ ئه‌وه‌كرد، كه‌: له‌مێژوودا نه‌ ئاڵای شۆڕش‌و نه‌ سۆشیالیستیش عه‌یبه‌ بووه‌، به‌ڵكو عه‌یبه‌ ئه‌وه‌یه‌ كه‌ چوبیته‌ پاڵ به‌عس، یان حكومه‌تێك خیانه‌تت كردبێت! هه‌موو به‌ڵگه‌نامه‌كانیش كه‌ له‌دوای راپه‌ڕین‌و روخانی به‌عس ئاشكرابوون، ده‌ركه‌وت، به‌ئاسته‌میش سازشمان له‌سه‌ر مافه‌كانی نه‌ته‌وه‌كه‌مان نه‌كردووه‌و ئه‌مه‌ش ده‌یسه‌لمێنێ‌ كه‌ ئه‌و مێژووه‌ جوانه‌، كوردایه‌تی‌و دیموكراسیی هه‌موومانی كۆكردووه‌ته‌وه‌.

له‌ درێژه‌ی دیداره‌كه‌شدا، مه‌لا به‌ختیار، بیره‌وه‌ریی رۆژگاره‌كانی سه‌ره‌تای شۆڕش‌و له‌ناویدا چوون به‌ره‌و هه‌كاری له‌گه‌ڵ ره‌سوڵ مامه‌ند‌و هه‌وڵه‌كانیان بۆ ئاشتی ‌و به‌رگرتن به‌شه‌ڕ گێڕایه‌وه‌‌و تیایدا به‌رجه‌سته‌ی وێنه‌ی ئه‌و قاره‌مانێتی‌و خۆڕاگرییه‌ی ده‌كرد، كه‌ شۆڕشی نوێ‌ له‌مه‌فره‌زه‌ سه‌ره‌تاییه‌كانه‌وه‌، دروستیكردووه‌.

PUKmedia

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket