وه‌زیری به‌رگری عیراق سنوری خانه‌قین به‌سه‌رده‌كاته‌وه‌

.

وه‌زیری به‌رگری عیراق بۆ تاوتوێكردنی دۆخی ئه‌منی و ئاماده‌كاریه‌كان بۆ هاتنی زیاره‌تكارانی شیعه‌ مه‌زهه‌ب له‌خاكی كۆماری ئیسلامی ئێرانه‌وه‌ سه‌ردانی خانه‌قین ده‌كات.

موهه‌یمه‌ن ئاغا چالاكوانی سیاسی بۆ PUKmedia ووتی: وه‌زیری به‌رگری عیراق نه‌جاح شومه‌ری سه‌ردانی شاری خانه‌قینی كردوه‌و له‌گه‌ڵ یه‌كه‌ ئیداریه‌كان باسی له‌دۆخی ئه‌منی و هه‌روه‌ها ئاماده‌كاری بۆ هاتنی زیاره‌تكارانی شیعه‌ كردوه‌ بۆ مه‌زارگه‌  ئاینیه‌كانی كه‌ربه‌لا و نه‌جه‌ف و شوێنه‌كانی تر.

وتیشی: دواتر چووه‌ته‌ مه‌رزی مونزریه‌و ناوچه‌كه‌ی به‌شێوه‌یه‌كی مه‌یدانی به‌سه‌ركردوه‌ته‌وه‌.

ئه‌و چالاكوانه‌ ئه‌وه‌شی ووت: وه‌زیری به‌رگری عیراق چه‌ند ئه‌فسه‌رێكی سوپا كه‌ به‌گه‌نده‌ڵی تێوه‌گلابوون ره‌وانه‌ی دادگای سه‌ربازیكردن بۆ كۆتایهاتنی دۆسیه‌كانیان.

PUKmedia  سامان