ژماره‌یه‌ك تیرۆرستی داعش له‌ناو تونێلێكدا كوژران

.

له‌لایه‌ن هێزه‌كانی سوپای عیراق و به‌پشتیوانی هێزه‌كانی هاوپه‌یمانی نێوده‌وڵه‌تی له‌باشوری خۆرئاوای موسڵ نۆ تیرۆرستی داعش كه‌له‌ناو تونێلێكدا خۆیان شاردبووه‌وه‌ كوژران.

یه‌حیا ره‌سوڵ وته‌بێژی  فه‌رمانده‌ی ئۆپراسیۆنه‌ سه‌ربازیه‌كانی موسڵ رایگه‌یاندوه‌:" هێزه‌كانی هه‌ڵۆی سه‌ربه‌ سوپای عیراق، به‌پێی زانیاری وردی هه‌واڵگری له‌ناوچه‌ی سحاجی  له‌باشوری خۆرئاوای موسڵ له‌ناو تونێڵێكدا 9 تیرۆرستی داعشیان كوشتووه‌".

ئاماژه‌ به‌وه‌شدراوه‌:" ئه‌و تیرۆرستانه‌ له‌ناو تونێله‌كه‌دا خۆیان شاردبووه‌وه‌".

رونیشكراوه‌ته‌وه‌:" ئۆپراسیۆنه‌كه‌ به‌پشتیوانی هاوپه‌یمانی نێوده‌وڵه‌تی دژ به‌داعش بووه‌".

PUKmedia  ئاژانسه‌كان