به‌سره‌.. رێژه‌ی نه‌خۆشی شێرپه‌نجه‌ له‌به‌رزبوونه‌وه‌دایه‌

.

به‌هۆی پشتگوێخستنی كه‌رتی ته‌ندروستی، ساڵانه‌ سه‌دان كه‌س له‌ به‌سره‌ دووچاری شێرپه‌نجه‌ ده‌بن.

مه‌هدی ته‌میمی به‌ڕێوه‌به‌ری نوسینگه‌ی كۆمسیۆنی مافه‌كانی مرۆڤ رایگه‌یاندوه‌:  پارێزگای به‌سره‌ دووچاری پشتگوێخستنی كه‌رتی ته‌ندروستی بووه‌ته‌وه‌و به‌هۆیه‌وه‌ حاڵه‌ته‌كانی تووشبوون به‌ شێرپه‌نجه‌ به‌رزبووه‌ته‌وه‌.

راشیگه‌یاند: له‌چه‌ند ساڵی رابردوودا، ساڵانه‌ 700 بۆ 800 حاڵه‌تی تووشبوون به‌و نه‌خۆشییه‌ تۆماركراوه‌.

ته‌میمی ئه‌وه‌شی خسته‌ڕوو: هیچ میكانیزمێك بۆ دابینكردنی ده‌رمان بۆ نه‌خۆشییه‌كان و به‌تایبه‌ت نه‌خۆشیی شێرپه‌نجه‌ نییه‌، داواشی له‌ حكومه‌تی عیراقی كرد، په‌له‌ بكات له‌ ده‌سته‌به‌ركردنی ده‌رمان و پێویستییه‌ ته‌ندروستییه‌كان.

PUKmedia كوردسات نیوز