هه‌رێمی كوردستان.. توندوتیژی دژی ژنان له‌ زیادبووندایه‌

.

حه‌مه‌ی حه‌مه‌ سه‌عید وه‌زیری رۆشنبیری و لاوان له‌دیوانی وه‌زاره‌ت پێشوازی كرد له‌ كورده‌ عومه‌ر به‌ڕێوه‌به‌ری به‌ڕێوبه‌رایه‌تی به‌ره‌نگاربونه‌وه‌ی توندوتیژی دژی ژنان و وه‌فدی یاوه‌ری.

له‌ودیداره‌دا باس له‌ توندوتیژی و جۆره‌كانی توندوتیژی و هۆكاره‌كانی دروستبونی توندوتیژی كران، كه‌ له‌ئێستادا له‌زیادبوندایه‌ له‌گه‌ڵ ئه‌وه‌ی رێژه‌ی هۆشیاری تاك له‌زیادبوندایه‌ له‌ داواكردنی مافه‌كانیان، بۆ ئه‌مه‌ش كورده‌ عومه‌ر داوای كرد وه‌زاره‌تی رۆشنبیری هاوكار و پاڵپشتیانبێت له‌ كاركردنی زیاتر بۆ كه‌م كردنه‌وه‌ی توندوتیژی.

وه‌زیری رۆشنبیری و لاوان-یش رایگه‌یاند، ئه‌ركی هه‌موولایه‌كه‌ كاربكه‌ین بۆ كه‌مكردنه‌وه‌ و به‌ره‌نگاربونه‌وه‌ی توندوتیژی ناو كۆمه‌ڵگه‌ به‌گشتی و دژی ئافره‌تان هه‌وڵبده‌ین تاكێكی ته‌ندروست به‌رهه‌م بهێنین بۆ كۆمه‌ڵگه‌یه‌كی ته‌ندروست ئه‌ركی حكومه‌ته‌ به‌هه‌موولایه‌نه‌كانیه‌وه‌و به‌هاوكاری رێكخراوه‌كانی كۆمه‌ڵگه‌ی مه‌ده‌نی كاربكات بۆ نه‌هێشتنی توندوتیژی به‌میكانیزمی گونجاو.

PUKmedia راگه‌یاندنی وه‌زاره‌تی رۆشنبیری