پاسپۆرتی عیراقی ده‌بێت به‌ ئه‌لیكترۆنی

.

وابڕیاره‌ پاسپۆرتی عیراقی بكرێت به‌لیزه‌ر وه‌ك هه‌نگاوێكی نوێ بۆ پارێزراوتركردنی و رێگه‌گرتن له‌ساخته‌كردنی به‌لیزه‌ر زانیاریه‌كان ده‌نوسرێت.

عه‌مید سالار عه‌بدوڵا به‌ڕێوه‌به‌ری پاسپۆرتی سلێمانی رایگه‌یاندوه‌: پاسپۆرتی عێراقی ده‌كرێت به‌ سیستمی ئه‌لیكترۆنی و لاپه‌ڕه‌ی یه‌كه‌می زانیاریی كه‌سی به‌ له‌یزه‌ر تێدا تۆمار ده‌كرێت و وێنه‌كه‌ش به‌ لێزه‌ر هه‌ڵده‌كۆڵرێت بۆ ئه‌وه‌ی كاری ساخته‌كاری تێدا نه‌كرێت".

رونیشكردوه‌ته‌وه‌: لاپه‌ڕه‌كانی تری پاسپۆرت وێنه‌ی پارێزگاكانی عێراقی تێدا داده‌نرێت و هه‌موو پارێزگاكان ئاگادار كراونه‌ته‌وه‌ كه‌ دوو وێنه‌ی شاره‌كان بۆ پاسپۆرتی عێراق بنێرن.

ئاماژه‌ی بۆ ئه‌وه‌شكردوه‌، هه‌ڵگرانی ئه‌و پاسپۆرته‌ نوێیه‌، له‌ كاتی گه‌شتكردندا له‌ فڕۆكه‌خانه‌كان و ده‌روازه‌ سنوورییه‌كان مۆری هاتن و رۆیشتن له‌ پاسپۆرته‌كانیان نادرێت و ئه‌فسه‌ری پاسپۆرت نابینن.

PUKmedia  كوردسات نیوز